Ka University Grant Commission (UGC) ka Ministry of Education, ka Sorkar India, ka la ai ka jingithuh kum ka University ba pura ia ka Captain Williamson Sangma State University (CWSSU), West Garo Hills District. Ïa kane la pyntip da u Deputy Secretary ka UGC u Dr Amol M Andhare ha ka shithi bala phah sha u Registrar ka Captain Williamson Sangma State University (CWSSU).
Ha ka shithi u Deputy Secretary ka UGC u la pyntip ba ia ka kyrteng jong ka CWSSU la pynrung mynta ha ka thup jong ki University bala seng kat kum ka kyndon 2(f) jong ka UGC Act, 1956. U la pyntip ba ia ka thup jong baroh ki jaka pule Higher Education (University bad College) bala ithuh da ka UGC la pynrung mynta hapoh ka website jong ka UGC http//www.ugc.gov.in.
Ka CWSSU kala iohbor mynta ban ai ia ki degree bala buh da ka UGC hapoh ka kyndon 22 jong ka UGC Act 1956 da kaba pyniaid ia ki course lyngba ki Tnad lajong lem bad ki college ba wan pyniasoh. La ong pat ba lada ka kwah ban pyniaid ia ki professional, technical, medical programme, ka CWSSU ka dei ban ioh ia ka jingbit na ki Regulatory Council/Commission.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party