Ioh khusnam Best Vocational Training ka Kong Rila I. Dor Suchiang

Ka AISECT Meghalaya ka la iashim bynta ha ka Samarth Bharat Conclave ha Hotel Palacio, Guwahati ha ka 14 tarik Jymmang 2025. Ha ka jingialang la donlang ia ki nongmihkhmat na kylleng ka thain ban rakhe ia ka jingtbit ha ka jingpynroi ia ki sap ki phong bad ka jingnang jingstad ha ka kam. Ha kane ka Conclave la don lang kong Rila I. Dor Suchiang na Lummuroo Sec. School, Shangpung, West jaintia Hills, kaba mihkhmat ïa ka tnat Electronic bad Hardware, la pynkup burom da ka khusnam Best Vocational Trainer Award. La jied ia ka napdeng ki 19 tylli ki skul hikai traning kam (VTS) ha kylleng ka jylla Meghalaya namar ka jingaiti bad jingnoh synniang jong ka ha ka pule puthi kam.

Shah shet ka longkmie T.49 lak ha u dkhar ba kular pynpoi marbam Khubor ba la ioh ka iathuh kawei ka longkmie na Eastern West Khasi Hills ka la shah thok T.49,80,200/- ha uwei u dkhar ba la ithuh kyrteng u Ravi Dudhoria na Paltan Bazar, Shillong. Katkum ka jingujor ha ki pulit la iathuh ba kane ka jingjia ka dei naduh u snem 2024 ba katei ka longkmie ka la siew pisa khyndiat khyndiat ia u Ravi ha Shillong bad ha shnong Pyndengnongbri, Eastern West Khasi Hills na bynta ban pynbiang ia ki marbam. Hynrei kaba lyngngoh utei u briew um shym la pynpoi ia ki mar kumba la kular bad u la phet rieh ia lade shabar ka Shillong.

Ha kawei pat ka jingjia, uwei u shynrang na South West Khasi Hills ula ujor ha ki pulit ha ka 14 tarik Jymmang, ka paralok Facebook jong u ba la tip ka Aarti Sharma ka la phah ‘WhatsApp message’ sha u, kaba u nongphah khubor ula byrngem bad dawa pisa T.11,000/- na u. Hadien kata, u nongujor ula siew ia ka pisa lyngba ka ‘BHIM App’ ha ki hynriew wat. Ki pulit ki dang pynlong ia ka jingtohkit halor kine ki jingjia bad ka jingthwet ia ki briew ka dang donkti ka dang iaid shakhmat.