Ka President jong ka Ri India, ka Droupadi Murmu hynne ka sngi ka la sam khusnam National Film Awards ba 71 ha ki thup bapher ha New Delhi. Ia ka khusnam Dadasaheb Phalke Award na bynta u snem 2023 la sam sha u Mohanlal. Ha ka thup Best Feature Film ha ki ktien tynrai bym pat shah kynthup ha ka Schedule VIII jong ka Riti Synshar, ka Rimdogittanga la ioh rah ka khusnam Best Garo Film.
Kane ka phlim ka dei ba la pynmih da ka Anna Films, Uncombed Buddha bad Joicy Studio bad la direct da u Dominic Megam Sangma. Kane ka khusnam ka wan ryngkat ka song pisa ba T.2,00,000. Ka phlim ka la ioh khusnam na bynta ka khana shaphang ki jaka nongkyndong ba don nongrim ha ki khanatang bad ka jingiapher ia ka imlang sahlang ba don ha ka jingsyier, kaba pynpaw ha ki jingiathuh lypa ki jingiapher kyrdan ha ka imlang sahlang ki briew ha ka jingsngewthuh u khynnah ba dang 10 snem.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla