Ki bor pulit ka Ri Bhoi District, ki la nang iai pyrkhing bad peitngor bha ia kito ki nongñiah kali khamtam ki kali ar shaka kiba ju pynlong ia u surok bah National Highway 06 kum ka jaka pynher (stunt), kaba la wanrah ia shibun ki jingjia tyngkhuh kali kiba shyrkhei bad ka jingmynsaw nalor ka jingduh ia ki mynsiem briew.
Ha kane ka jingpeitngor kaba la bteng biang da ki pulit ha ki bynta jong u surok bah khamtam ha ki sngi shuti, bun ngut ki nong pynkheiñ ia ki kyndon ain niah kali ki la ngat ha ka jingshah daiñ kuna ha kaba 63 tylli ki kali ki la shah daiñ kuna lyngba ka e challan kaba la kot sha ka 77 hajar tyngka.
Na ka liang ki pulit ka Ri Bhoi District, ki la kyntu jur ia kiba niah kali ne ki kali ar shaka ba kin burom lem ia kiwei kiwei kiba iaid ba ieng ban kiar na ka jingniah khlem akor ban iada na ki jingjia ba sngewsih, khamtam ia kito kiba niah kali ar shaka ba kin pyndonkam barabor ia ki jingdeng da khlieh lane ki helmet wat ia kito kiba shong nadien (pillion rider).
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project