Ioh shim PMAY-G 20 ki longiing ha Shnong Mawphansyiar

Ka jingplie ïa ki ïing kiba la dep tei hapoh ka Pradhan Mantri Awaas Yojana-Gramin (PMAY-G) ka la long kaba jop ha ka Shnong Mawphansyiar bad kane ka la long kum u mawjam uba  kongsan ha ka jingpyrshang jong ka sorkar ban pynbiang ïa ki ïing kiba bit kiba biang na ka bynta ki nongshong shnong ha nongkyndong. Ïa kane ka jingïalang la ioh ban plie da u Remington Gabil Momin, MLA  jong ka Rambrai-Jyrngam bad Chairman ka MMDC Ltd, kum u Kongsan, ha ryngkat ka jingdon lang u bah V. Swer, MCS, Project Director ka DRDA, West Khasi Hills District, kum u symbud kongsan, u bah T. Diengngan, BDO ka Nongstoin C&RD Block, i kong I. Kharbani, Addl. Project Ophisar, kong Larikynti Dkhar, Gram Sevak, ki Rangbah Shnong, ki VO, bad baroh kiba ioh jingmyntoi na ka PMAY- G.

Ha ka jingkren jong u kum u Kongsan, u bah Remington Gabil Momin u la pynpaw ka jingsngewnguh ia ka ïa ka jingangnud jong ka sorkar ban pynkylla ïa ki ïing duk jong ki nongkyndong sha ki ïing kiba bit kiba biang. Ha katei ka sngi, la ioh ruh ban pule ia ka jingkular Awaas Diwas, da kaba kyntu ia baroh ban kyrshan ia ka roi ka par ha ki liang baroh. Haduh 20 tylli ki longiing ki la ioh jingmyntoi na kane ka skhim bad la aiti ruh ia ki syrnod  pyndep sha baroh kitei ki longiing.

Ki nongshong shnong jong ka Mawphansyiar, ki la pynpaw ka jingsngewnguh ia baroh ki nongwan bad ki nongshim bynta na ka bynta ka jingnoh synniang jong ki ban pynlong ia ka PMAY-G kaba jop ha ki dong ki thain jong ki.