Jurip ka EC ïa ka ïew dielang, lap ba ot kilo tang ïa ki mar rep trai Jylla

Ka Executive Committee (EC) jong ka Khasi Hills Autonomous District Council (KHADC) hynne ka sngi kala leit jurip iaka iew dienglang ha Iewduh ban sakhi halor ka jingkynnoh ba dang bteng ka jingot kilo iaki mar rep ba wan die hapoh katei ka iew.Iaka EC la ialam hi da u Chief Executive Member (CEM) u Bah Shemborlang Rynjah haka jingdonlang ki Executive Member (EM) jong ka District Council.Ha kane ka sngi u CEM bad ki EM kila ioh ban iakren markhmat bad ki nongrep, ki nongdie bad ki nongkhaii kiba don ha iew dienglang. Haka jingjurip ka EC kala ioh jingtip ba ki mar rep ba shah ot kilo kidei hi ki mar rep kiba mih na ka Rilum Khasi.

Haba kren sha ki ladpathai khubor u CEM ka KHADC u Bah Shemborlang Rynjah u la ong ba ka jingwan jurip ha Iewduhkadei  hadien ka jingpynsngew jong ki nongrep ia ka jingeh kaba mih ruh ka mat ha kaba iadei bad ka District Council.”Ka jingwan jurip mynta ka sngi kadei hi ban sngewthuh iaka jingeh kaba ki nongrep ki kynduh haba ki wan die iaki mar ha Iewduh bad haki sngi ban wan ka EC kan sa lum ka jingialang ban iathir halor kane ka bynta hashuwa ban shim iaka rai” la ong u CEM.Naka liang u EM u Bah Powell Sohklet u la iathuh ba ha ka jingleit jurip ka Council ka la lap shi bun ki jingeh bad lap ruh ba ka jingot kilo ha iew ka dei na ka jingsngewthuh jingmut hapdeng ki nongrep bad ki nongthied.”Hynrei ki don kiba la pynsngew ba ka don ruh ka jingshim kabu halor kane kumta ka EC shen kan sa shong da ka jingialang ban iakren halor kane ka mat” ula ong.

U Bah Powell u la ong ba Ka EC kam lah ban kular ban pynduh pyndam noh ia ka jingot kilo namar ka don ka jingeh kaba na ka kiang ki nongthied jhur ruh ki la pynsngew kumta kin donkam ban shong ban iakren janai bad ban wad bniah halor kane.Haba iadei bad ka jingpyntrei ia ka ka Khasi Hills Autonomous District (Establishment, Management and Control of Markets) (Second Amendment) Regulation, Act 2021, kaba la ioh jingmynjur na u Lat k Jylla ha ka 23 tarik u Naitung 2023, u EM ula ong ba kane ka aiñ ka long ban weng ia ka jingeh ki nongrep. khamtam ha kaba iadei bad ka jingshah ot kilo Ula ong ban lah ban pyntreikam noh ia ka aiñ ban ot kilo ka shong ha Sorkar Jylla ban ai jingbthah noh ia ki kyndon kiba ka Executive Committee (EC) barim ka la phah sha ka.