Ka Jaiñtia National Council (JNC) Western Zone mynta ka sngi ka la leit ban jurip ia ka rukom treikam jong kawei ka surok kaba la ai kyrteng ka Raliang-Sahsniang Road, West Jaiñtia Hills lyngba ka Skhim PMGSY-III haka jingjngai kumba 21 Km. Ka seng JNC ka la shim ia kane ka sienjam hadien ka jingud jingnam na kiba bun ki nongshong shnong jong ka thaiñ kala hiar sha kine ki jaka bad la shem ba ka jingpyntreikam ia kane ka surok mynta ka long tang haduh 2 KM, kata tang na Raliang haduh Laskein. Ka seng hapoh ka jingialam u President ka Western Zone u bah Hamehi Bamon ka la ong ba hapdeng ka jingiaroh iaka sorkar haka jingwanrah ia ka kam pynroi ha ka thaiñ, hynrei sngewsih pat ban iohi iaka jingtrei torti ia kane ka surok da kawei ka company, kaba haki katto katne ki bynta jong kane ka surok na Raliang sha Laskein la sdang ban iohi iaka jingjot bad jingsniew jong kane ka surok tang haki katto katne por hadien ba la dep shna.
Ka seng ha kane jingleit jurip ka la shem ruh haki bynta ba la dep ban siang rong shadien jong kane ka surok ka la don ka jingjot bad jingsniew jong ka bad la hap ban maramot (repair) biang bad kane ka pyni shai ba ka jingpyntrei ia kane ka surok ka long kaba shu trei tangdep lane ka jingpyntrei ka bym ler da kane ka company bad haka jingpeit ruh iaka rukom long jong ka ym i ba kan lah ban iaid tang kumba shi snem ruh. Kumta ka seng daka jingsngewkhia ka dawa jur naka sorkar, kumjuh na kane ka company ban shimkhia ban pynbha ban shna bha ia kane ka surok kaba long u thiedsnam iaka ioh ka kot jong ka thaiñ bad ban long ruh ka jingkyrkhu iaki nongshong shnong jong kine ki thaiñ.
Ka seng ka la pynpaw ruh ba kan ym shong kli kti bad kan sa buddien shakhmat iaka kam khnang ba ka jingwanrah ia kino kino ki kam pynroi kan nym long kaba shu sepei, pynkut u President ka JNC Western Zone.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project