Mynta ka sngi ka 21/11/2025 u Symbud Myntri ryngbah duh ka sorkar Jylla, u Sniawbhalang Dhar ula leit jurip ia lai tylli ki project ba pyntrei hapoh ka sor Jowai kita kynthup ia ka Redevelopment of Iawmusiang Complex, ka Mini Secretariat bad ka Working Womens Hostel.Ha kane ka jingjurip jong u la synran lang da u myntri ka tnat health and Sports ka Jylla, u Wailadmiki Shylla, u Chief Engineer ka PWD, bad kiwei.
Hadien ka jingjurip u Sñiawbhalang Dhar u pynpaw ka jingkmen ban iohi baka jingpyntrei iaka Iawmusiang Complex kala iaid sted bha shakhmat da kaba u ai khublei ruh ia u Contractor namar ba ka jingpyntrei kala iaid 78% bad hapoh shisnem dei ban pyndep iaka.Nangne ula leit peit pat ia ka Working Womens Hostel Jowai kaba don hajan ka ophis treikam u DTO kaba la sdang ban pyntrei haka mang pisa ba Rs. 27 klur.
Kane ka Hostel bala sdang tei ha Jowai dei kawei na ki saw tylli bala mang ka sorkar, ba kynthup kawei ha Tura, ha Shillong, ha Ri Bhoi bad ha Jowai.Hadien kane pat ula leit jurip sa iaka Mini Secretariat ba ka jingpyntrei bun kiba la dep bad ia kane ruh ym slem shuh yn sa sdang tei sa iaka Block II bad Block III.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station