Ka Congress kan hab iakhun pyrshah ia baroh ki Party ha ka ilekshon MDC

U President ka Meghalaya Pradesh Congress Committee (MPCC) u bah Vincent H Pala la ong ba ka party ha kane ka ilekshon MDC kan hap ban iakhun pyrshah ia baroh ki kyrtong na kiwei ki party. Haba kren sha ki lad pathai khubor u bah Vincent ula ong ba ka Congress kan iakhun pyrshah ia ka VPP, don kiba ka ialeh pyrshah ia ka UDP bad kumjuh ia ka NPP. “Ka party ha kane ka ilekshon MDC kan hap ban iakhun pyrshah ia baroh ki kyrtong na kiwei ki party, ym kum kiwei ki party kiban iakhun tang ha ki katto katne ki jaka,” ula ong.Ula ong ba haduh mynta ka party ka ladep pyllait tang ia ka thup kyrteng ba nyngkong jong ki kyrtong katba ia ka thup kyrteng baar jong ki kyrtong ban iakhun sha KHADC bad JHADC yn sa pyllait ha u bnai Kyllalyngkot,2025.

Ka Congress ka la pyllait ia ka 26 ngut ki kyrtong ha ka thup ba nyngkong ba kynthup 15 sha KHADC bad 11 sha ka JHADC. U President ka MPCC u bah Vincent Pala ula ong ba ka party ka la pynkhreh bha ia ka elekshon sha KHADC ha kaba ka la ai jinghikai ruh ia ki kyrtong namar ba kiba bun kiba dang thymmai. “Kum u President ka MPCC, ula peitngor bha man ka sngi ia ka jinglong jingman jong ki konstitwensi, ha kaba ki don ki jaka ba ki kyrtong ka Congress ki iakhun pyrshah ia ka VPP, don kiba ka ialeh pyrshah ia ka UDP bad kumjuh ia ka NPP,” ong u bah Vincent.

Ka elekshon sha KHADC bad JHADC kan long ha ka 21 tarik Rymphang 2025 bad ka jingpynbna kan long ha ka 24 tarik ha u bnai Rymphang, 2025.