Ka Farmers Market ka kabu ïa ki nongrep ban long kynrad ïa la ki mar ban die sha ki paidbah

Kum shi bynta ban kyrshan iaki nongrep jong ka Jylla, ka 1917 iTEAMS ka tnat ka rep ka riang, kala pynlong biang iaka iew ki nongrep lane ka ‘Farmers Market’ ha jaka ieng kali ka Ophis Directorate of Fisheries marpyshah ka St. Edmunds’ College.Ha kane ka iew, la wan shim bynta daki nongrep na kylleng ka Jylla ka Jylla Meghalaya naduh ki thain Jirang Ri-bhoi District, West Khasi Hills, West Jaintia Hills bad East Khasi Hills ban die iala ki mar rep.Ki nongrep ki ioh ruh ka jingkyrshan kata ka bai kit iaki mar nala shnong, ka bai kali ban leit phai shala shnong bad ruh ka bam haba ki wan ban die iaki mar ha kane ka ‘Farmers Market’.Kum kane ka iew, ka plia ka rynsan iaki nongrep ban die hi iala ki mar, haka dor kaba lah ban wanrah jingmytoi iaki hi bad haka juh ka por ka ‘Farmers Market’ ka khanglad iaki nongkhaii ban leit thied iaki mar rep naki jaka rep, kaba ïalam ruh shaka jingshah khniot ka dor kaba pynduh nong iaki nongrep.

Nalor ki mat rep, kane ka ‘Farmers Market’ ka plie lad ruh iaki kynhun sengkam lajong ban die iaki mar ba ki shna, kum ki Chocolate, Wine, Achar bad kiwei kiwei ki jait jingbam.Haba iakren bad ki nongrep, iwei i longkmie ba West Jaintia Hills ila iathuh ba i ioh ka lad ban wan die iaki mar rep sha kane ka ‘Farmers Market’ hadien ba i phone sha iTEAMS ban pyntip ba i dang don ki mar rep ba im pat lah ban die.”Nga la ioh ban iakren bad uwei u Bah haka phone bad u la bthah ia nga ban pynrung kyrteng haka iTEAMS bad hadien kata la wan poi ka kali ban kit ia u shynrai Lakadong na shnong sha kane ka Iew ban die” la ong ithuh i longkmie.Ki nongrep kila pynpaw ka jingsngewnguh iaka Sorkar kaba ka plie kane ka lad ban kyrshan iaki daka ba shim ka jijgkitkhlieh ban wankit iaki mar naki shnong jong ki nongrep ban ioh die sha kane ka iew.

“Ka iew ka long kaba biang, nga la ioh die bun jait ki mar rep ba nga wanrah na shnong, nga kyrmen ba ka Sorkar kan iai bteng ban pynlong kum kane ka iew khnang ba ki paidbah ki wan thied beit naki ki nongrep” la ong uwei u Bah na Jirang. Nalor ka jingiadie ia thied, ka don ruh ka kynhun tem ban pynsngewtynnad iaki nongrep bad iaki nongthied kiba wan sha kane ka iew ki nongrep lane ka ‘Farmers Market’.