Ka jingiadei hapdeng u Saleng A Sangma bad u Dr Mukul Sangma ka dei ka kam shimet jong ki, ka Party ne u President ka Meghalaya Pradesh Congress Committee (MPCC) kam don bynta eiei ruh em. Ïa kane la jubab da u President ka Meghalaya Pradesh Congress Committee (MPCC) u Bah Vincent Pala haba kylli, hato lada wanphai biang u Dr Mukul Sangma sha ka Congress, kan don jingktah ne em ia ka Party.
Haba kren sha ki lad pathai khubor, u Bah Pala u la ong ba ha ka sain hima, ym don paralok ba shiryrta ne nongshun ba shiryrta bad dei namar kane ym lah ban kren lypa, ïa kaei ka ban jia haka sain hima. U Bah Pala u la ong ba Congress kam dei ka Party shimet jongno jongno, hynrei ka Congress ka dei jong baroh bad ka dei ka rynsan ban shakri paidbah.
“U Dr Mukul u dei u nongialam ba la rangbah bha bad u tip kham bha, kaei un leh bad lada ngam bakla u la kren teng ruh ba um treh wan phai shuh sha ka Party” la ong u Bah Pala.
You may also like
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad
-
Ka jingkhang ia ki Haat khappud ka ktah ia ka kamai ki paidbah ha khappud India-Bangla
-
Iathir ki heh shipai Assam Rifles ban pynkhlain bad pyntbit ia ki shipai