Ka Myntri ka tnad ka koit ka khiah ka jylla ka kong Ampareen Lyngdoh hynne ka sngi ka la pyntip ba ka sorkar ka dang pynkhreh shakhmat ban sdang noh mynta u snem ia ka jingpule doctor ha Shillong Medical College. Ia kane ka Myntri ka la jubab ha ka kynta kylli jingkylli ba la wanrah da u nongialam ka Liang Pyrshah u Dr. Mukul Sangma ha Iing Dorbar Thawain ka jylla.
Ka kong Ampareen ka la ong ba ka Pasteur Institute yn pynkylla kum ka Administrative Block, ka jingdon ki nongtrei ki la biang bad mynta dang pynkhreh ia ka jingdon ki jingthiah katkum ka kyndon jong ka MMC. Ka la ong ban pyntreikam ia ka Medical College ha Shillong, ym donkam ban pyllut shibun ka pisa namar ba la don lypa bun ki jingdonkam.
Ha kajuh ka por ka la pyntip ba ka sorkar ka la dep pyniasoh bad ka NEHU bad ka sorkar ka dang ap ia ka jingwan jngoh ka MMC ban peit ia ki jingbit jingbiang ka jingpynkhreh.“ Ka sorkar ka dang trei shaid shaid ban pyniaid noh ia ka Shillong Medical college bad yn sdang noh ia ka First Batch ha une u snem,” la ong ka Myntri ka tnad ka koit ka khiah.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project