U Myntri ka tnad kam rep ka jylla u Timothy D Shira, ula ong ba ka jingdon ka lynti rel ha Mendipathar, North Garo Hills, ka la pynsuk bad iarap shibun ia ki nongrep ha ka leit ka wan, ka kit ka bah bad ka dor ka mur.
Haba kren sha ki lad pathai khubor, u Timothy ula ong ba ki nongrep haba ki kit ia ki mar ki mata na Mendipathar sha Guwahati da ka bos ka shong dor haduh T.300 katba da ka rel, ka shong dor tang da ki phew tyngka nalor ba sted ka leit ka wan.Halor ka jingrung kyrthlep ki briew nabar namar ka jingdon ka lynti rel, u Myntri ula ong ba ka long kaba suk ban tehlakam ia kane namar ba ki briew ha Garo Hills kim ai lad ia ki briew nabar ban sah ban thied jaka, watla ki wan ban leh ia ki kam khaii pateng sha katei ka jaka.
U Myntri ula ong ba ha kane ka jylla ki don kumba 75 percent ki nongshong kiba dang im ha ka rep ka riang namarkata donkam ban ioh ia ka jinghikai kaba biang ban kyntiew ia ka kam rep jong ki kum ka jingpynmih sboh mariang ne organic manure bad kiwei ki jingdonkam.Katkum ka jingong u Myntri ki jhur ki jingthung jingtep kiba mih na ka sboh mariang ki iapher ban ia kito kiba ai da ka sboh dawai naduh ka jingbang ka jingmad bad ka jingteimet.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla