U Myntri Rangbah ka Jylla Conrad K Sangma hynne ka sngi ula plie ia ka Rural Health Centre ha Myriaw ha Eastern West Khasi Hills District. Ha kane ka jingplie ia kane ka jaka ai jingsumar la iadonlang u Myntri ka tnad Sports and Youth Affairs u Bah Shakliar Warjri, u MP ka Rajya Sabha Dr WR Kharlukhi, ki heh na ka tnad ka koit ka khiah bad kiwei kiwei. Kane ka Rural Health Centre (RHC) ka dei kaba la bei tyngka da ka CMSDF ha ka jingpynlut ba kot sha ka T.38.8 lak bad kane ka RHC kan ai jingshakri ia ki 21 tylli ki Shnong bad yn pyniaid ia ka da ka Dr HG Robert Hospital, Shillong.
Haba kren ha ka jingialang u Conrad Sangma ula ong, ba ki kam ba iadei bad ka koit ka khiah ka dei kaba bun bha ki jingtynjuh hapoh ka Jylla haba kdew ia ka jingkylla kaba la wanrah ha ka jingtei ia ki jaka sumar ha kine ki 7 snem ban pynkhlain ia ki jaka sumar na ka bynat ki nongshongshnong ba sah sha ki jaka kiba kyndong tam jongka jylla.
U la ong katba ka Sorkar ka dang trei ia ki kam, kumta ka long kaba kongsan ban ioh ia ka jingkyrshan bad ka jingiatreilang na ki shnong ki thaw bad ki seng kum ka Dr HG Robert Hospital, Shillong kaban wanrah ia ka jingiatylli bad yn lah ruh ban pynpoi ia ki lad ai jingsumar ia ki nongshong shnong ha ka jylla baroh kawei.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station