U Myntri ka tnad kam jngohkai ka jylla u Timothy D Shira, ula ong ba ka Sohra ka dei ka shnong kaba kiew sted bha ha ka kam jngohkai ha ka jylla.
Haba kren sha ki lad pathai khubor,u Timothy ula ong ba ha ki snem 1965 ka thain Sohra mynshwa kam pat kiew ha ka kam jngohkai hynrei mynta ka la kylla dur nadong shadong haduh ba ki iing bsa ki hotel ki la dap smam na ka jingwan tuid ki nongwankai na kylleng ki jaka.
“Ki hotel ha Sohra mynta ki la shlei na ka kam jngohkai bad ka Sohra mynta ka la riewspah,” ong u Myntri ka tnad Kam jngohkai.Ula bynrap ruh ba ka jingdon ki homestay ka la iarap bha ia kiba wankai khamtam sha ki jaka nongkyndong ban ioh sah haba ki wan kai bad kane kan iarap ia ki briew ha nongkyndong ruh ban ioh kam ioh jam. Halor ka tamasa, u Myntri ula ong ba ki lai tylli ki tamasa ba kham heh kynthup ka Cherry Blossom, Megong bad ka Wangala kin dei kiba kham kongsan bad ka sorkar kam pat buh tarik ban plie ia ki.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla