Ka Toyota Kirloskar Motor ryngkat ka jingiatreilang bad ka sorkar Mizoram bad Zote Toyota ka la plie ia ka 67th Toyota Technical Education Program [T-TEP] bad STAR Scholarship Initiative ha Mizoram

Haba bteng ban trei radbah na ka bynta ka thong jong ka ri kata ban pyntbit ia ki sap ki phong ne ka ‘Skill India’ bad ka thong jong ka ‘Make in India, ka Toyota Kirloskar Motor (TKM) mynta ka sngi ka pynbna ba la plie ia ka 67th Toyota Technical Education Program (T-TEP) bad ia ka sienjam treikam ba la tip kum ka “Scholarship program for Technical Education and Recognition” [STAR] hapoh jong ka T-TEP ha Industrial Training Institute (ITI) ba la pyniaid da ka sorkar, ha Aizwal, Mizoram. Ban nang kham pyntikna shuh shuh iaka jingtreikam ba radbah jong ka TKM ban nang kham pynjanai shuh shuh ia ki sap ki phong bad ban iarap ban pynlong ia ki briew ba kin ioh kam ioh jam ha kylleng ki jaka. Kane ka sienjam treikam kadei kaba la iatreilang ryngkat hapdeng ka TKM, ka sorkar Mizoram, bad ka Zote Toyota kaba long ka shnat ba la iatehlok, ha kaba ki la pynpaw ia ka jingtrei ba radbah ban pynlong ia ki samla ba kin ioh kam ioh jam bad kumjuh ruh ba kin nang tbit ha ki sap ki phong jong ki. La plie ia katei ka prokram da u kongsan U Lalnghinglova Hmar, uba long u myntri ba peit ia ka tnad – Labour, Employment, Skill Development & Entrepreneurship Dept ka sorkar Mizoram.

Ka jingthmu ba kongsan jong kane ka sienjam treikam ka long ban nang kham pynbha shuh shuh ia ki sap ki phong jong ki samla pule, khamtam kito kiba wan na ki jaka nongkyndong, bad ban nang iarap ia ki ba kin ioh kam ioh jam lyngba kane ka prokram ba kyrpang jong ka kompany. Kane ka T-TEP ka phai khmat bha ha kaba iadei bad ka General Technician Category, da kaba ai sha ki samla pule ia ki jingtip bad jingshemphang kiba pule ia ka Mechanic Motor Vehicle (MMV) bad Diesel Mechanic Trade.Ka Zote Toyota, kum kawei na ki shnat ba iatehlok, ka don ia ka juh ka jinglong trai ha kaban seng ia ka T-TEP bad ka la noh synniang ruh sha ka STAR Scholarship Program, ban nang kham pynskhem shuh shuh ia ka jingtreikam ba radbah ban pynneh ia ka jingtreikam jong ka T-TEP bad ai jingkyrshan ia ki samla pule kiba dei hok ban ioh ia ka jingkyrshan. Ka T-TEP ka dei ka biang pura, kadei ka jingpule kaban iaid baroh shi snem ia kaba la saindur na ka bynta ki samla pule kiba pule ia ka final-year ITI bad ki samla pule Diploma. Ha kane ka jingpule la don lang ruh ka On-the-Job Training (OJT) ne ka jingai jinghikai ha ka por batrei ha kaba ka rukom ai jinghikai ka long ban iarap ia ki samla pule ba kin long kiba tbit ha ka liang ka technical kaba long ka sap kaba donkam ha kine ki sngi ba mynta ha kaba iadei bad ki kam kai ha India. Kane ka prokram ka kynthup ia ka jingai jinghikai ba kyrpang na ki nonghikai bat bit, yn hikai ruh ia ki samla pule da kaba ai ia ki ba kin ktah ia ki tiar ki tar ha ka jaka die kali Toyota khnang ba kine ki samla pule kin lah ban ioh kam ioh jam bad la saindur ruh ia ka rukom ai jinghikai ba kan long kaba iahap bad ki kali kane ka juk ba mynta kiba don ia ki teknology ka juk mynta. Nalor ka T-TEP, ka Toyota Kirloskar Motor (TKM) ka la pyllait ruh ia ka STAR Scholarship Program ban ai jingkyrshan ia ki samla pule kiba wan na ki longing ba duna ka ioh ka kot bad kiba pule ia kane ka jingpule technical. Haduh mynta, palat 13,000 ngut ki samla ki la ioh jinghikai lyngba ka T-TEP, bad palat 70% ki la ioh kam ha ki karkhana kali bad ki jaka die kali ha kylleng ka ri.

Ka TKM kadei ka kompany kaba wan ha khmat eh ha kaba iadei bad ka jingai jingkyrshan ia ki jingshna kali ha la ka jong ka ri bad ban pynkupbor ruh ia ki nongshong shnong lyngba ka jingiarap ban pyntbit ia ki sap ki phong. Da kane ka sienjam treikam kaba kyrpang kum ka Toyota Technical Training Institute (TTTI) bad ka Toyota Technical Education Program (T-TEP), ka TKM ka la trei radnbah ban ai ka jinghikai kaba paka tam na ka bynta ban pyntbit ia ki samla ha ki sap ki phong ban ia ryngkat bad kiwei ha ka pyrthei naduh ki samla pule kiba wan na ki longing kiba duna ka ioh ka kot mynta la palat phew snem. Kine ki prokram ki la iarap ban nang kham pyntbit ia ki briew kiba treikam ba kin lah ban long kiba tbit ha kine kam jong kane ka karkhana kaba jur ka jingdawa. U Lalnghinglova Hmar, u myntri ka jylla ba peit ia ka tnad Labour, Employment, Skill Development & Entrepreneurship Dept. ka sorkar Mizoram, u ong “Ka long kaei kaei kaba ai mynsiem shisha ban iohi ia ka TKM ba ka iai bteng ban trei radbah bad aiti lut ban kyntiew ia ki sap ki phong ba pynlong ia ki samla ban ioh kam ioh jam ha Mizoram bad sha kiwei pat ki jaka. Kane ka sienjam treikam ka long ka spah bah kaba kongsan bad ka jingai jinghikai ia ki samla, ka plie ia ka jingkhang na ka bynta jong ki ba kin nang kiew ha ki kam bad long kiba jop ha ka karkhana kaba iadei bad ki kam kali. Kane ka jingiatreilang ym tang ba ka iarap ia ki samla da ki kam ba kin long kiba tbit ha ka liang ka technical hynrei ka don ruh ka bynta kaba kyrpang ban kyrshan ia ka jingangnud jong ka jylla na ka bynta ban nang kyntiew ia ki sap ki phong bad ban kyntiew ia ka ioh ka kot. Ngi khmih lynti ban ioh ia ka jingwan sha khmat jong ki samla bad tei ia ka lawei ka jingjop ha ka liang ka kam jong ki lyngba kane ka prokram ba kyrpang.”