Kam u Mukul ba bakla u Zenith ba leit phai sha ka Congress

U Myntri Rangbah barim ka Jylla u Dr Mukul Sangma u la kam ba ka jingleit phai biang u MLA barim ka Rangsakona constituency u Zenith Sangma shaka Congress ka long kaba bakla.Haba kren shaki lad pathai khubor u Dr Mukul uba dei ruh u hynmen trai jong u Zenith u la ong ba ka jingleit phai biang jong u para shaka Congress kadei ka jingshlur jong u bad ka lah ban dei namar ba u ïohi baka Congress ka ai mynsiem ïa u ban ioh jingjop biang haki ilekshon ban wan.

U Dr Mukul u la kop ruh ba kane ka jingleit phai biang jong u Zenith shaka Congress kan nym ai jingjop ïa u bad u la kop ruh ba un pyni daka kam ba u (Zenith) un nym jop.“Tharai u Zenith u ïohi ba ka Congress kan ai mynsiem bad ka jingkyrmen ïa u daka ba u mut ba ka jingleit phai biang shaka Congress kan long ka jingjop, hynrei u lah ban bakla bad kadei ruh ka jingbakla ngan sa pyni daka kam ba ka jingleit phai jong u kadei ka jingbakla” la ong u Dr Mukul.

Haba ban jur ba kam kam iing bad ka kam sain hima ka iapher, u Dr Mukul u la ong “Kamp her sha kano ka Party u Zenith u leit iasoh, u lah ban leit iasoh shaka Congress ne sha kiwei ki Party hynrei haba kut u dang dei hi u para baieid jong nga”.U la ong ba watla udei u hynmen hynrei shisien ba u la rai ban long nongmihkhmat, um don bor shuh ban batai iaka jingkwah jong ki hynmen para hapoh iing.