U Myntri ka tnat CRD u AT Mondal ula ong ba ka jingpyntreikam ia ka skhim Mahatma Gandhi National Rural Employment Guarantee Act (MGNREGA) hapoh Meghalaya ka long kaba iaid beit bad kaba seisoh. Ïa kane u Myntri u la jubab halor ka jingmih ki jingshah kynnoh ba ka don ka jingleh bym hok haba ia dei bad ka jingpyntreikam ia ka MNGREGA khamtam ha ki thaiñ nongkyndong. U Mondal ula ong ba ka skhim MNGREGA ka dei ka skhim ba heh tam hapoh ka Ri India namar ïa kane ka skhim la pyntrei ha baroh sawdong ka ki Jylla jong ka Ri.
U la ong ba ka jingpyntreikam ia ka Project MNGREGA ka kynthup lang ruh ia ki tnat treikam Sorkar bapher katkum ki kyndon jong ka skhim. U Myntri u la kubur ba kan don beit ka jingkynnoh ba don ka jingleh bymhok haba pyntreikam ia ka skhim MNGREGA hynrei na ka liang ka Sorkar ka shim da ki sienjam ba tyngeh, lada ka ioh pdiang ia ki jingujor na ki paidbah.
“Ngi la bthah ia ki BDO ban pynthikna ba ka jingpyntreikam ia ka skhim MNGREGA kan iaid beit iaid ryntih katkum ki kyndon ba la buh hynrei haduh mynta nga lah ban ong ba ka jingpyntreikam ïa kane ka skhim hapoh Meghalaya ka long kaba iaid beit bad kaba jop” la ong u Mondal.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kyntait u Myntri ban thung kynhun tohkit halor ka jinglut ban shna ia ka Ganol Power Project
-
Ujor ka JSU sha ka DMHO bym wan trei ki Doctor ha Pdengshakap PHC