Hapdeng ka jingiaid paidbah ki dkhot ka Khasi Student Union (KSU), la kynnoh ba ka la don ka jingshah kawang ki samla kiba dang iaid lynti hajan ka Laban Police Station. Lah ban kdew ba ka KSU kala pynlong iaka jingiaid paidbah ban kynmaw iaka sngi ‘Kyrsiew Ri’ lane ka Khasi National Awakening Day daka ba iaid naduh ka Ophis Meghalaya Bharat Scouts and Guides shaduh Lumshatsngi Laban.
Hapdeng kane ka jingiaid paidbah, la kynnoh ba don ki briew kiba sah ha kawei ka iing, kila kawang maw iaki dkhot ka KSU bad naka liang ki dkhot ruh kila shim hi da uto u juh u maw bad kawei shaka bynta joing ka iing ba poi wan poi u maw. Kane ka jingshah kawang kala jan mih ka huri hura hynrei dei namar ka jinglah ki nongialam ka KSU ban tem iaki dkhot, ka jingiaid paidbah kala kut noh khlem da don kano kano ka huri hura,
La ïohi ruh ba naka liang ki bor Pulit bad ki bor District kila shim bad peit pyrman, ban pynthikna baka program jong ka KSU ka iaid beit iaid ryntih.
You may also like
-
Plie u Myntri Sorkar ïa ka surok thymmai hajan NEFA Secretariat
-
Sdang nyngkong eh ka Shad Paskha ha u 1971 da u missionary na Italy
-
Bynñiaw ka MSWDA halor ka jingbym lah ka sorkar ban shimkhia ïa jingeh ki skul
-
Pynkuid wah Urkaliar ka SDRF ha ka Operation Clean Up
-
Kum ka jaitbynriew rit paid, donkam ban iai kyriew ban shngaiñ ka Ri