Ha kawei ka jingjia ba sngewsih kaba la jia ha ka shnong Hograpara, hapoh Kamrup Metro District ha ka bynta jong ka 15 Mile, Meghalaya u wei u samla ba dang 27 snem kyrta u la ngam jyllop noh ha ka wah kaba tuid na ka bynta jong ka 9 Mer terter shaduh 15 Mer. Katkum ka khubor ba la iohlum, la iathuh ba kane ka jingjia ka la jia naduh ka miet jong ka 27 tarik Nailar ha ka por 10 baje mynmiet, ha kaba u wei u samla ba la tip kyrteng kum u Rohithas Chaudry, u la ngam jyllop hadien ba u la leit pynjhieh ha ki bynta ba sharud jong katei ka wah bad hap syndon shapoh katei ka wah.
Haba kren bad u kpa jong u tei u samla ba la ngam jyllop, u Sohanlal Chaudry, u la ong ba ma u bad u khun jong u, hadien ba ki la wanphai na ka dukan bad la dep bamja miet, hynrei tang hadien khyndiat por, u Rohithas u la leit shabar bad u la hap noh shapoh katei ka wah kaba don harud ka iingsah jong ki hi.
Na ka liang ka kynhun National Disaster Response Force (NDRF) lem bad ki pulit ka Assam ki la hiar marmar sha katei ka jaka ban wad ia ka met jong u tei u samla bad tad haduh 3 sngi mynta ym pat lap satia ia ka met jong u tei u samla.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma