Ka samla ialehkai karate ka samla Kynjailin Lyngdoh Mawnai kaba mih khmat ym tang ia ka jylla Meghalaya, hynrei ia ka India ka la wanrah burom ia ka ri bad ia ka jaitbybruew, hadien ba ka la ioh khur ia ka takma rnong ha ka Women’s U-21 Individual Kumite -50 Kgs jong ka 9th South Asian Karate Championship 2025, kaba la long ha Colombo, Sri Lanka naduh ka 4 bad kaban kut ha ka 6 tarik u Naitung, 2025. Kumba shu kdew ka Kynjailin ka la shah jied ban mih khmat ia ka India hadien ba ka la ioh khur takma ha ka Karate India Organisation (KIO) 4th Senior and U-21 National Karate Championship 2025, kaba la long shen ha Gachibowli Indoor Stadium, Hyderabad.
Ka la aireng ha ka kyrdan ba 21 snem jong ki kynthei ha ka 50 kilo (Female U-21 Individual Kumite -50kg category). Na ka liang ka AMKA ka pynpaw ia ka jingsngewkmen ba ka Kynjailin wat la kam shym lah ban kynjoh sha ka thong kaba kham shalor, pynban ka la ieng iakhun tyngeh ban ioh ia kane ka tama rnong, kaba jia ryngkhat na ka rynsan iakhun kaba eh bad kaba jwat bha.
Kumta ka AMKA lyngba u Secretary bah Ksan Kupar Warjri, ki pynpaw ia ka jingsngewkmen bad kyrmen ba ka Kynjailin kan dang iai bteng ban imsngi bad minot ha ka jingim ialehkai ka jong ka, ba shisien ka sngi, ka ruh kan sa mihpaw kum kawei na ki thei ialehkai karate ba kynsai, kumbaka AMKA ka la shu sei teng na ka shlem ai jinghikai ka jong ka ia ki thei ialehkai ba kynsai ha ki sngi bad ki snem kiba la leit noh.
You may also like
-
Shwa ban khlad duwai ka samla ba u Blei un map ïa u samla ba ot pdot
-
Ka jingsdang tih dewiong kan kyntiew biang ïa ka kamai, donkam pynneh mariang
-
Hukum ka Meghalaya High Court ïa ka sorkar ban pynïoh jaka tep kyllum
-
Da kyrpaad ya ka NHRC wow yarap ya ka jylla Meghalaya wow thaw ya ka NCB sub-zonal office ha Shillong
-
Ai jinghikai ka NEIGRIHMS halor ki kyndon ka Biosafety