U Symbud Myntri Rangbah ka jylla ba peit ia ka kam pohiing u Bah Prestone Tynsong hynne ka sngi ula ong, ki pulit ki la pynlong ka jingtohkit bad wad ia u Bah Kasterbok Kharbuli, uba la jah klep naduh u Naiwieng snem ba la dep. U Bah Kasterbok Kharbuli u dei uba basah ha shnong Sohryngkham bad ula jah klep naduh ka 1 tarik u Naiwieng 2024 bad haduh mynta ym shym la lap satia shano ula don. U Bah Prestone haba jubab ia ka Call Attention ka ba la wanrah da u MLA ka VPP na Mawryngkneng u Bah Heaving Stone Kharpran ha ka dorbar Mang tyngka, ula ong haba la ioh ia ki jingpyntip ha ka 3 tarik u Naiwieng 2024, ki pulit ka Sohryngkham kila sdang mardor ia ka jingtohkit bad kila leit ruh ban wad ha kylleng ki jaka bad ha ka jingtohkit kaba mardor, la phah ia ka khubor peitngor sha baroh ki Officers in-charge bad ki In-charge jong ki Police Station, Outpost bad Beat House ha kylleng ka jylla Meghalaya bad Assam ban lapdien bad ban bat ia une u riewshimet uba la jah lada jia ba lap ia u.
La ong, ruh ba u Bah Kharbuli, udei u riewshimet u bym biang ha ka bor pyrkhat pyrdain bad ula jah ha ka por 8:30 mynstep ha ka 1 tarik u Naiwieng 2024. U Bah Prestone ula iathh ba ia ka notis halor ka jingjah jong u Bah Kharbuli ha ka 11 tarik u Naiwieng bad u Special Superintendent of Police (CID), Meghalaya ula phah ruh ia katei ka notis sha ki Director General of Police (DGP) ha kylleng ki jylla, ki Commissioner of Police, New Delhi & Chandigarh, Inspector General of Police ka Lakshadweep, Dadra & Nagar Haveli, Daman & Diu, Ladakh bad ia ki Superintendent of Police ha baroh ki district jong ka Meghalaya.
Ula ong ba wat hapdeng ka jingpyrshang ia kitei baroh, ym shim la lah ban lap ia u Bah Kasterbok Kharbuli bad ka jingtohkit halor kane ka kam ka dang iaid shakhmat bad ki jingpyrshang ki dang iaid shakhmat ban lap ia une u riewshimet uba la jah klep bad wat ka Search & Rescue Team kala iatreilang ban leit wad ha kylleng ki jaka ban lap noh ia u Bah Kasterbok Kharbuli.
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project