Ki pynshna iing ia ngi ki lai ngut shipara : khunswet

Ka khunswet kaba la duh noh iala ka kmie mynba ka dang don tang 4 snem ka arta ryngkat 2 ngut ki hynmen shynrang jong ka, kiba shnong basah haka shnong Umniangriang Jong ka Eastern West Khasi Hills District, haka 17 tarik u nohprah 2024 kila pynpaw iaka jingsngewnguh iaka seng TULBA kaba la pynshna ing iaki. Kila iathuh ruh ba ki kyrpad iaka Meiheh ba kan pynshna ing noh iaki bad katba ka jingiapynbeit ka dangiaid shakhmat la jia ryngkat ba lawan mih ka seng TULBA kaba la kular ban pynshna ing iaki bad kila ong ba kane baroh ka dei ka jingialam jong u Blei.

Ka Meiheh jong kitei ki khun swet kaba la ri iaki naduh bala khlad ka para jongka kaba dei ka kmie jong ki 3 ngut ki khunswet kala ong watla kine ki khunswet mynta kila don la ka jong ka ing hynrei kam pat lah ban shu ieh iaki tang shipara hynrei kan nang iai bteng ban peit ban jngoh iaki tad haduh ba kin da heh. Ka seng TULBA ha kane ka sngi leit aiti ia ka ing sha ki khunswet kala ioh ruh ban sam iaki jain kup syaid sha ki katto katne ngut ki paidbah jong ka shnong Umniangriang kum ka jingaisngewbha Khristmas haka jingsakhilang u sordar jong ka shnong bad haka jingiadonlang ki nongkitkam ka seng ki Nongniah thuk thuk Central Body nalor ki nongkitkam bad ki dkhot naki unit bapher bapher bad ha kane ka sngi la ioh ruh ban sam iaka khubor naka ktien jong u Blei da u Pastor L.Kharbudon.

Ha kane ka sngi ka seng TULBA kala ioh ruh ban pynlong iaka jingiaid Khristmas Carol daki Bike na Pyndengumiong sha Umniangriang haka jngiashimbynta shitrhem ki dkhot jong ka seng.