Ki trok dei ban iaid da ka por bad kim dei ban kit palat pud: ksu

Ka Seng Khasi Student Union Nongthliew Circle hapoh ka jingialam u General Secretary u samla PM Syiemlieh haka 14 tarik u kyllalyngkot 2025 ka la leit ban ai da ka jingthoh ha ka Deputy commissioner ka Eastern West Khasi Hills District ka Mitali Chandra ban pynsngew ha ka ia ka jingeh ba ki paidbah ka thain ki mad lyngba ka jingioh iaid laitlan ki trok na ka surok Mawmaram – Nongthliew – Mawlyndep wat ka por mynsngi kaba la wanrah iaka jingdheng kali kaba khah khah khamtam ha ka sngi iew bad ha ki por long skul.

U samla PM Syiemlieh haba kren bad ki lad pathai Khubor ula ong ba ka seng kam pyrshah ia ka jingiaid jong ki kali heh na katei ka surok lada yn pyniaid ia ki da ka por bad lada kita ki trok kin ym kit palat ia ka jingkhia katkum ka order bala pynmih da ka sorkar. U la ong ka jingailad iaki kali heh kiba kit iaki mar ki mata palat iaka jingkhia katkum ka order bala pynmih daka sorkar ka buh jingma iaka iaid ka ieng jong ki paidbah namar ka surok ka long kaba rit bad kaba khapngiah bad ula ong lada ka sorkar ka kwah ba ki kali heh kin iaid na katei ka surok kala dei ban pynheh shuh shuh iaka.

Shuh shuh u la iathuh ba ka seng ka dawa naka DC ba kin pynbiang iaki briew ban ap ha katei ka surok ban peit iaka jingkhia ka jingkit bad ban pyniaid ruh iaki trok da ka por. U la bynrap ba lada ka jingpynmih order kan kut tang haka jingthoh khlem da lah ban pyntreikam ka seng kam banse ba kan leh hi ia kaba donkam. Ka seng kala phah ruh sha ki lad Pathai Khubor iaki dur bad iaki durkhih ba ka seng kala ioh ban ring ban pyni iaka Jingkhapngiah jong ka surok.