Ki VDP ki pulit ba ar, tang kiba iaishah ki lah ban treikam:Gabriel

Ka Village Defense Primary Committee Nongstoiñ Area (VDPCNA) mynta ka sngi ka la ïoh ban pynthymmai noh ïa ki nongkitkam jong ka kynhun lyngba ka jingïalang paidbah ïa kaba la pynlong ha Bishop Hall New Nongstoiñ. Ha katei ka sngi la sakhilang ïa katei ka jingïalang da u bah Gabriel Wahlang MLA ka Nongstoiñ kum u kongsan ryngkat ka jingïasynran u A.J. Sangma, Deputy Superintendent of Police ka West Khasi Hills District kum u symbud kongsan bad kiwei kiwei ki riewrangbah jong ka thaiñ. Ki nongkitkam kiba kham hakhmat jong katei ka kynhun jong ka Village Defense Primary Committee Nongstoiñ Area ki kynthup ïa u bah Mawkordor Kharsyiemlieh kum u President ka VDPCNA, bah Basaiñdurlang Lyngdoh Nonglait General Secretary ka VDPCNA, bah Sharaikyrpang Hoojon Organising Secretary ka VDPCNA, bad u bah R.S.Khardewsaw kum u adviser bad kiwei kiwei ki dkhot.

Ïa kitei ki nongkitkam ba thymmai kiba na ka bynta ka samoi trei kam 2025- 2028  la pynskhem bad pyntiansmai da u A.J.Sangma Deputy Superintendent of Police ka West Khasi Hills District bad la pynïaid ïa katei ka jingïalang da u bah P.Wahlang. Ki VDP ki dei ki puoit va ar hapoh shbong hapoh thaw bad ki shnongbkibthaw ki shngain da ka j8ngdon ki VDP. Ki VDP ki dei ki briew kiba ju iaishah wat haba don ki jingshah kybthoh, shah byrngem be wat haba donnkiba iaroh. Wanrah jingbha ianka imlang sahlang. U la ai jibgiaroh ruh ia ka tnad pulit kaba la aibor ia ki VDP ban pynlong ia ki jingkhynra haba don kino kino ki kam sniew bad kumjuh ban iarap ruh ianka tnad pulit ban pyniaid ia ka iaid ka ieng ki kali.

Haba kren kum u kongsan ha katei ka sngi, na ka liang u Bah Gabriel Wahlang u la ong ba ki VDP ki long ki pulit ba ar jong ka imlang sahlang bad ka jingdon jong ki VDP ka pynshngain ia ki shnong ki thaw bad ka imlang sahlang. U la ong ruh ba ban shim ïa kane ka kam, kam dei kaba suk, hynrei tang kita kiba don ïa ka mynsiem ka jingkitkhlieh bad kiba iaishah, ki mih shakhmat ban trei na ka bynta ka imlang sahlang ban rat dyngkhong ïa ki jingsniew.