Ka Deputy Commissioner, East Khasi Hills District ka kong R M Kurbah ka la pynjari da ka kyndon 163 BNSS ban mana ia ki briew ban theh khyndew bapthar namar ka pynjaboh ia ki lum ki wah.Ia kane ka hukum la pynjari hadien ba la ioh doing ia ki jingujor ba ki don ki jingtei ban shna iing, dukan, ki surok, ka jingtih ia ki pipe um bad kiwei kiwei bad na kine ki jingshna ia ka khyndew ba tih la lap ba ki la bret pathar ha ki rud surok bad ki wah.
Kane ka jingbret pathar haba slap ka um ka tuid sha ki wah bad kane ka wanrah ia ka jingjaboh ki wah bad ka pyntuid ruh ia ka khyndew sha ki pung bad kane ka ktah ia ki tyllong bad ka buh jingma ia ki briew bad baroh ki jingthaw ba im ha ki wah. Ka jingtheh khyndew pathar ka pynjaboh ia ki sawdong sawkun mariang bad kino kino ki jingtrei ba donkam ban tih khyndew khlem ka jaka bret khyndew la khang pyrshah bad ki dei ban ioh jingbit na ki bor ba dei peit.
Kiba pynkhein ia ka kyndon ain Construction and Demolition Waste Management Rule 2016, jong ka Central Pollution Control Board bad kiba pynkhein ia ka Meghalaya State Pollution Control Board jong u snem 2025 kin shah pynshitom katkum ki kyndon.
You may also like
-
Ka kynhun tohkit kam pat lap ba don ka jingleh politik halor ka jingiakynnad ha Garo Hills
-
Ka jingiakynad ha Garo Hills ka mih namar bym lah ban pynbeit ia ka jingdawa ban khanglad ia ki bar jylla ban iashim bynta ha ka ilekshon GHADC
-
Ka Iew ki Nongrep kan khring ia ki nongthied bad ki nongshang pyrthei
-
Iakynduh u Bah John ia u Myntri sorkar pdeng ban kyntiew ia ki kam ialehkai ha
-
Byrngem khang ka KSU ia ki ophis, skul lada pynbor ban rwai ‘Vande Mataram’