U Chief Executive Member (CEM) ka Khasi Hills Autonomous District Council (KHADC) u Bah Shemborlang Rynjah hynne ka sngi ula kynduh ia u Symbud Myntri Rangbah ka jylla u Bah Prestone Tynsong ban shim khia ban pyllait noh ia ka bhah khajna jong ka Council. Haba iakren bad ki nongthoh khubor u CEM ka KHADC ula ong, ba ka don ka jingpynslem na ka Sorkar Jylla ban pyllait ia ka bhah khajna ka KHADC wat la kiwei ki District Council ki la dep ban ioh ia ka bhah tyngka.
U la bynrap ha ki bnai ba la dep ka KHADC ka la phah shithi hynrei haduh mynta kam pat ioh ia ka bhah khajana na ka sorkar.“Kumta, ngi wan ban iakynduh ia u Symbud Myntri Rangbah ba peit ia ka Tnad District Council Affairs (DCA) ban pynsngew halor kane ka jingeh” ong u Bah Shemborlang.
Ula ong, ba u Symbud Myntri Rangbah ym shym la pynpaw ia ki daw halor ka jingslem ban pyllait bhah khajna ia ka Council, hynrei ula bthah ia ki Ophisar Sorkar ban leh ia kaba donkam halor ka jingbhah khajna.U CEM ula pynpaw ba ka Council ka la pan jingkyrshan na ka sorkar jylla ban pynlong ia ki jingwad bniah ne ka jingleh ia ki Research halor ka jinglong jingman jong ka Jaidbynriew ha ki liang ki bapher bapher.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma