klur pynlut ka JHADC ia 10 tylli ki Committee ki bym lerkam:CAG

Ka Jaintia Hills Autonomost District Council (JHADC) ka la pyndonkam bakla T.2.66 klur ka pisa, namar ha ka mang tyngka ka pynpaw ba ka jingioh lum pisa ka duna T 28.59 percent katba ka jingpynlut ka long 39.92 percent. Katkum ka kaiphod u Principal Accountant General (Audit) ne ka CAG Report ka pynpaw ba ka JHADC kam don Cash Book ban buh jingkhein ia ka jinglut ia ka pisa T.5.49 klur naduh u snem 2009 haduh 2014 kaba donkam ban pynbeit.Ka JHADC ka la pynlut kumba T.8.47 klur ban siew bainong ia ki dkhot ki 10 tylli ki committee ba la thung ka Council hapdeng u snem 2013-14 bad 2017-18. Wat la kitei ki commite kim shym la treikam ne pynlong jingialang ban ai jingmut ia ka Council lane ban thaw ia ki rule kyndon halor ki ishu ba dei peit ka Council kaba long tang ka jingpynlut kai ia ka pisa.

Ka jingai ka Council ia ki iew bad ki parkinglot ia kiba khlieh dor ka wan rah ka jingduhnong ia ka Council haduh T.8.05 lak.Ka kaiphod ka iathuh ka rukom pyntreikam ka Council ia ka pisa ka don hapdeng ka jingdkoh kaba wanrah ia ka jinghiran ia ka pla tyngka bad ka ktah ia ki trai ri kiba dei ban ioh ia ki jingiarap.  Ia kane kaiphod jong ka JHADC la pylllait hadien 2 snem ka jingsahteng na ka daw ka jingbym biang ki jingkhein jingdiah jong ka Council.

Katkum ka paragraph 7(4) jong ka Sixth Schedule ha ka riti synshar ka ri India, u Comtroller and Aditor General um shim jingkhien ia ki district bad regioenla council bad ia katei ka report dei ban phah sha u Lat ka Jylla na bynta ban wanrah ha ka iing dorbar.