Kmen bah PT Sawkmie, ba ïoh ïarap ïa kiba duk bad kiba duna bor ïohi

U Bah PT Sawkmie, MLA barim u pynpaw ba u sngewkmen shikatdei eh ba u ioh ban kner ia la ki kti ban ai jingiarap ia kiba duk kiba sah ha Ferrando Transits Shelter Home kaba don ha Mawlai Mawdatbaki bad kumjuh ia kiba duna bor iohi, kiba u la iakynduh ha ka sngi Thohdieng ka 17 tarik u Kyllalyngkot, 2025. U bah Sawkmie u la pynpaw ia kane ha ka 18 tarik u Kyllalyngkot,2025 ka sngi Saitjain ha ka jingiakynduh jong u bad kiba sah ha Shelter Home, ha ka jingdon ryngkat i sister Delina Lyngdoh, ba khmih ia kane jaka, ki dkhot ka CMC Mawroh bad kiwei kiwei. U la ai khublei  ia i sister Delina Lyngdoh, iba la sngew ia u kum u kpa kane ka Shelter Home bad u la iathuh khana ba ha kine ki sngi ba la leit u la ia kynduh ia ki arngut kiba duna bor iohi ia kaba u la ioh ban ia dih ia bam lang ha kawei ka dukan bad kane ka la pynkmen bha ia ka mynsiem jong u.

Ha kane ka sngi la ioh ruh ia ka jingkren na u bah Medarius Lyngdoh, u ba la pyrto ia ki kam bah PT Sawkmie, ia kaba u la ong ba u long u briew uba sngewrit bad uba kloi ban iarap haba ki paidbah ki wan iakynduh ia u, ia kaba ym ju don koit kiban leit thylli. U iathuh ba u la iohi la ki jong ki khmat ia u bah PT Sawkmie haba u hiar na kali ban iakynduh bad lehisynei ia kiba duna dkhot met ha ka por ba u leit ryngkat bad u.

Kumjuh la ioh ruh ia ka jingkren na i sister Superior Delina Lyngdoh, bad na assistant secretary ka CMC Mawroh bah, E. C Shylla, kiba la ai khublei bad pynpaw ia ka jingsngewnguh ia bah Sawkmie halor ka jingiarap jong u da ka song pisa sha kane ka Shelter Home. Ha kane ka sngi la ioh ruh ban ot ia u Cake kum shi bynta jong ka jinglehkmen snem thymmai ryngkat ki sister, ki dkhot ka CMC, Mawlai Mawroh bad kiwei kiwei nalor u Bah PT Sawkmie.