Ka Meghalaya Bharatiya Janata Party (BJP) hynne ka sngi ka la rakhe kmen halor ka jingjop bun ngut ki kyrtong iakhun election MLA napoh ka Jylla Bihar. Kane ka dei namar ba ka BJP lem bad ki paralok ba don hapoh ka NDA ki la jop bun tylli ki Seat ban bteng biang ban thaw Sorkar.
Haba kren sha ki lad pathai khubor u General Secretary ka Meghalaya BJP u Bah Wankitbok Pohshna u la ai khublei ia ki paidbah nongthep Vote ha ka jylla Bihar ba ki la pynjop ia ka Party jong ki bad ruh u la ong ba ka jingjop jong ka Party ha Jylla Bihar ka dei namar ka jingtreikam bha ka Party ban trei na ka bynta ki paitbah ha ka ri India baroh kawei.
Halor ka election ha Garo Hills Autonomous District Council u Bah Wankitbok Pohshna ula ong ba ia mynta ki dang khot ia ka application na ka bynta kito kyrtong ba thmu ban ia khun na kane ka Party bad ia kane kin sa pynbna hadien bad ruh katno ngut ki kyrtong kin pynieng kin sa ia pyntip hadien. Katba ha ka election MLA ha u snem 2028, ula ong ba ka Party ka kyrmen ban ioh kham bun ki MLA bad ula kyrpad ruh ia ki paitbah nongjied ba kin ai lad noh ia ka BJP shisien khnang ba ka rukom synshar ha kane ka jylla kan kham pher bad ruh ba kan kiew shaphang.
You may also like
-
Iakynduh u Air Marshal bad ki nongthoh khubor
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi