Kum ka jaitbynriew rit paid, donkam ban iai kyriew ban shngaiñ ka Ri

U Chairman ka NESO u Bah Samuel Jyrwa hynne ka sngi ua iai ban iaka jingdonkam ban kyriew iaka bri Hynniewtrep naka por shaka por ban iaida iaka jaidbynriew naka jingshah bun paid ha kiwei pat ki jaidbynriew.Haba kren haka sngi ‘Kyrsiew Ri’ lane ka Khasi National Awakening Day’ u Bah Samuel ula pynkynmaw ba 4 tarik Iaiong 1994 kadei ka sngi bala ainam bad ai burom kum ka Khasi Awakening day, lane ka Sngi Kyrsiew Ri. U Bah Samuel ula iathuh ba ha u snem 1829 u Syiem Tirot Sing bad ki shipai jong u kila mih ban ialeh pyrshah iaka Sorkar phareng ha kaba ula ioh ban pyniap ïa shibun ngut ki shipai.

“Kane ka Khasi Awakening Day, ngi la jer kyrteng iaka ha u snem 1993 ha kaba la pynskhem iaka riti trreikam, lane ka constitution jong ka seng haka 4 tarik April 1993 bad la ainam bad ai burom ïa kane ka sngi, kum ka Khasi Awakening day, lane ka sngi kyrsiew ri” la ong u Bah Samuel.U Bah Samuel ula ong baka jaidbynriew u bri Hynniewtrep kam dei ka ri kaba im mawrei hynrei kadei kaba hap hapoh ka Ri India kaba don palat 1.40 klur ngut ki nong shong shnong.Ula ong ba kum ka jaidbynriew rit paid kaba don tang 23-24 lak ngut ki nong shong shnong ka iai donkam ban don ka jingkyrsiew thiah iaka jaidbynriew na kawei ka por sha kawei pat.”Ki khynnah Class XII ha Uttar Pradesh ki don 29 lak ngi kum ka jaidbynriew ngi don 24 lak, kumno ngin ong ba ngi lah shngain bad ngim donkam shuh ban kyrsiew ban long ki briew kiba kyndit, kiba peitngor, ïa kata ka jinglong kyrpang jong ngi kum ka jaidbynriew barit paid” ula ong.

U Chairman ka NESO ula ba ki para riewlum napoh ka Jylla Tripura naduh u snem 1950 ter ter haduh mynta ki kylla rit paid bad hala ka jong ka ri, kim lah shuh ban iai iaid paidbah kumba iaid ki dkhot ka KSU. “Balei ki long ri paid, namar ka jingwan buhai shnong jong kiwei pat ki briew la kadei na Bangladesh ne na kiwei pat ki bynta jong ka ri India” ula ong.”Naduh u snem 1979, 1987, ki 1990 haduh kane ka khyllipmat ka jaidbynriew jong ngi ka iai kyndit thiah na kawei ka sngi sha kawei pat, na kawei ka por sha kawei pat bad ka donkam ïa ngi bad ka sngewnguh iaka KSU baka iai kyrsiew iaka jaidbynriew jong ngi, na kawei ka por sha kawei pat” ula ong.