Ka Village Defence Primary Committee Nongstoin Area (VDPCNA) ha ki katto katne sngi ba la dep ka la leit ban khynra kiad be-aiñ hapoh ïew Nongstoiñ bad ha kane ka jingkhynra, katei ka kynhun ka la ioh ban kurup da ki phew byrni ka kiad khasi ne pyrsi ba la dep song ha ki plastik lem bad ka kiad phareng ba la thmu ban die be-aiñ hapoh ïew Nongstoiñ.
Ia kitei ki kiad be-aiñ ba la ioh kurup, ka VDPCNA ka la pynjot bad theh noh mynta ha ka sngi nyngkong ha ka jingdonlang ki dkhot. U bah Mawkordor Kharsyiemlieh, President ka VDPCNA u la buh ka jingmaham ba jur ia kino kino ki briew ki ba die kiad beain, kiba dih lane die drok beain hapoh ka Iew Nongstoin bad lada ka seng kan iai lap, kan sa leh syndon da kaba tyngeh.
Ha kajuh ka por ka kyntu ruh ia ki kino kino ki briew ba kim dei ban wan ia shong dih kiad hapoh kane ka iew nangne sha khmat bad lada yn dang lap, ka VDPCNA kan leh ia kaba donkam.
You may also like
-
Khur takma rnong ka Kynjailin ha Sri Lanka
-
Shwa ban khlad duwai ka samla ba u Blei un map ïa u samla ba ot pdot
-
Ka jingsdang tih dewiong kan kyntiew biang ïa ka kamai, donkam pynneh mariang
-
Hukum ka Meghalaya High Court ïa ka sorkar ban pynïoh jaka tep kyllum
-
Da kyrpaad ya ka NHRC wow yarap ya ka jylla Meghalaya wow thaw ya ka NCB sub-zonal office ha Shillong