Kut noh ka ‘Craft Bazaar’ jong ka NIFT Shillong

Ka Craft Bazaar ba la pynlong da ka NIFT Shillong, ka la kut noh hynnin ka sngi bad ha kane ka prokram la wan iashim bynta da u Sanjay Goyal, IAS, Commissioner & Secretary sha ka Sorkar jylla Meghalaya. Ha ka jingïalang pynhap pyrda, u Shankar Kumar Jha, Director jong ka NIFT Shillong u la pynpaw ka jingsngewnguhïa ki nongtrei kti, ki Nonghikai, ki Nongtrei, ki samla pule bad ki nongwanjngoh kiba la pynlong ïa kane ka jingïalang kaba jop. “Mynta ka sngi, katba ngi dang pynkutia ka Craft Bazaar kaba mynta u snem, nga dap da ka jingsngew sarong bad jingjop. Ngim shym la pyni tang ia ka deiritikaba riewspah jong ka thain shateilammihngi jong ka Ri hynrei ngi la ai ruh ka rynsan ia ki samla pule, ki nongtrei kti ban pyniasoh bad ki nongthiednongpet” u la ong.

Ha ka jingai jingkren jong u ha ka Craft Bazaar, u Sanjay Goyal, IAS, u la ban jur halor ka jingdonkam ban pynnehpynsahïa ki kam shna jingshna tynrai bad ban kyntiew ïa ki lad kamai kiba lah ban neh. U Goyal u la iarohia ka jingpyni ia ka jingstad da kaba pyndonkam ia ka sap tynrai ha kaba iadei bad kariam ka beit. “Ki prokram kum kine ki treikam kum ka jingpynkylla kaba bha ban kyrshan ïa ki sienjam ba thymmai” U la pynpaw ïa ka jingdonkam ban kyntiew ïa ki kyrdan lyngba ka jingïatreilang bad ki nongtrei kti jong ka thain bad ki jingai jinghikai, ka jingsong bha ia ki mar bad ki rukom pynïaid iew kiba ryntih. ka jingplie ia ka rynsan ia ki nongtrei kti ban pyniasoh bad ki nongthied mar.U la kren shaphang ka skhim Vishwakarma, ba la saindur khnang ban kyrshan ia ki nongtrei kti, kaba la ioh palat 11,000 tylli ki aplikeshon. Ka skhim ka thmu ban ai jinghikai kaba lyngkot samoi, ban kyntiew ia ka jingtbit, bad ban pyniasoh ia ki nongtrei kti bad ki iew. U Goyal u la pynshlur ia ki nongtrei kti ban long ki nongseng kam seng, da kaba thung ym duna 10 ngut ki nongtrei hapoh jong ki. U la ban jur ia ka jingdonkam ban hikai ia ki pateng ban wan ban rah ia ka khaii pateng shakhmat, ban pynthikna ia ka jingpynnehpynsah ia ki kam shna jingshna tynrai ha ki snem ban wan.

Ki kyntien ba ai mynsiem jong u ki la ai mynsiem ia ki nongsngap, da kaba ban jur ia ka jingdonkam ban kyrshan bad kyntiew ia ka deiriti ba riewspah jong ki nongtrei kti jong ka thain shatei lammihngi jong ka ri. Ha ka Craft Bazaar la pyni ia ki jingshna kti kiba itynnad, kynthup ia ki jain, ki tiar shna khiew, ki tiar tem bad ki jingdeng kiba pyni ia ki sap bapher bapher jong ki nongtrei kti na kylleng ka thain shatei lammihngi jong ka ri India. Ha kane ka jingïalang ka la don ruh ka jingpyni ia ka jinghiar pateng jong ka dustur tynrai, kaba la ailad kyrpang ïa ki nongwan jngoh ban wad bniah ïa ki pateng tynrai ba riewspah jong ka thain. Ka NIFT Shillong ka ai ka jingsngewnguh kaba khraw ia baroh ki nongiashim bynta, ki nongwan jngoh, bad ki nongkyrshan kiba la noh synniang ban pynlong ia kane ka Craft Bazaar kaba jop. Ngi khmih lynti ban bteng ia ka jingpyrshang jong ngi ha kaba kyntiew ia ka deiriti ba riewspah jong ka thain shatei lammihngi jong ka ri bad ban kyrshan ia ki nongtrei kti kiba pynim ia kine ki riti dustur.