Kynduh u Bernard ia u Lat, dawa pyntreikam ia ka SIR ha Garo Hills

U nongialam ka Meghalaya BJP uba dei ruh u MDC ka South Tura constituency u Bernard Marak hynne ka sngi ula kynduh ïa u Lat ka Jylla ban dawa pyntreikam Special Intensive Revision (SIR) hapoh ka rilum Garo Hills.

Kane ka jingdawa pyntreikam SIR ka wan hadien ba u Lat ka Jylla ula ai jingmynjur ban pynlong kongsan (Mandatory) iaka syrnot ST naka bynta ka ilekshon GHADC ha kaba mynta kala don ka Committee ba kyrpang ban khmih bniah iaka Electoral Roll.

Haba kren shaki lad pathai khubor u Bernard ula ong ba kane ka jingdawa ban pyntreikam SIR kadei bha haki thaiñ jong ka them (Plain) ka rilum Garo Hills namar ka thaiñ kala sakhi ka jingjur ka jingwan buhau shnong ki bar Jylla kaba ilong artatien, la kidei ne em ki nong shong shnong ka Ri India.

U Bernard ula ong ba ka jingsdang bun paid haki them jong ka rilum Garo Hills ka buh jingma iaki trai Jylla namar tang hapoh 5 snem, ki don ki Constituency kiba la kiew ka jingdon ki nongthep Vote naka 5000 ngut shaka 10,000 ngut bad don kiba la kiew haduh 11,000 ngut.

“Namar ba ngi sngewkhia iaka jingwan buhai shnong beain hapoh ka thaiñ, ngi la pynsngew sha u Lat ka Jylla ba ka long kaba donkam eh ban pyntreikam daka SIR haki them jong ka rilum Garo Hills khnang ban pynthikna iaka jingshngain ki trai riewlum jong ka thain” la ong u Bernard.

U Bernard ula kam ba ka jingwan buhai shnong ki bar Jylla haki them Garo Hills ka buh jingatatien, la kidei ne em ki nong India namar ki don bun ngut kiba dei ki phetwir na Bangladesh.

Ula kynnoh ruh ba ki nong ki briew ba sah haki them Garo Hills kiba do 2 tylli ki EPIC Card, kata jong ka Meghalaya bad jong Assam. “Namar kata ka jingpyntrei iaka SIR kan pynthikna ba tang kiba dei hok ki nong shnong shnong ka Meghalaya kin lah ban thep Vote haka ilekshon” ula ong.