U Working President ka United Democratic Party (UDP) ba long u MLA ka Shillong West constituency u Bah Paul Lyngdoh ula pynpaw ba um kwah satia ban iakhun ilekshon MP shiteng samoi na Shillong Parliamentary Seat.
Haba kren sha ki lad pathai khubor u Bah Paul ula ong, lada ka UDP ka phah ban ikhun ilekshon MP, kum u MLA un kyntait da ka jingsngewrit namar u kwah ban pynleit jingmut ha ka sain hima sima hapoh ka Jylla Meghalaya.
Ula ong ka UDP ka don bun ki nongialam ba tbit ban iakhun ilekshon MP hynrei haduh mynta ka Party kam pat shong jingïalang ban ïakren halor ka ilekshon MP na Shillong Parliamentary Seat.
“Lada ka UDP ka phah ban iakhun, ngan kyntait namar nga kwah ban pynleit jingmut ha ka sain hima sima ha jylla khnang ba ngan lah ban shakri kham bha ia ki paidbah ka Jylla Meghalaya khamtam ki paidbah ka Shillog West constituency” la ong u Bah Paul.
Lah ban kdew ka shuki MP ka Shillong Parliamentary Seat ka la thylli noh hadien ka jingkhlad kyndit u MP Dr Ricky AJ Syngkon na ka Voice of the People’s Party (VPP) ha ka 19 tarik Rymphang 2026.
You may also like
-
Palat T.28.49 klur sam jingiarap u MR ha ka sngi rakhe dap 8 snem ka sorkar MDA
-
Sdang ka ophis DIO ia ka National HPV Vaccination Campaign
-
La 4 snem ka jingkieng Wah Nonbah ka dang khongreng, jakhom ki paidbah
-
6 haduh 11 tarik Lber yn pyni ia ka ‘Ha Lyngkha Bneng’ ha Soso Tham Auditorium
-
Shah thombor u Registrar ka NEHU ha ki runar kah durkhmat ha Mawiong