U Nongialam ka Liang Pyrshah u Dr Mukul Sangma uba dei ruh u nongialam ka seng TMC ula kyntait halor ka jingsaphriang ki khubor ba ki katto katne ki MDC ka TMC ki thmu ban mih noh na ka seng ban leit iakhun ia ka elekshon MDC ka Garo Hills Autonomous District Council (GHADC) ka ban wan na kiwei pat ki seng saiñ pyrthei.
Haba iakren bad ki nongthoh khubor hynne ka sngi, halor ka jingsaphriang ki khubor ba ki MDC ka TMC ki thmu ban phet seng noh, u Dr Mukul Sangma ula ong ba ki don ki nongialam ki bym don satia ia ka jingiai shah. Ula ong ka long kaba donkam ban don ia ka jingshaniah bad ka jingburom kaba mar kylliang hapoh ka seng bad ki nongialam ki dei ban iatreilang ban ia pynbeit lang ia kino kino ki mat.
“Lada don ki briew ki bym lah ban iai shah ne ki bym kwah ban iakhun ia ki jingtynjuh kumta ai ba kin pyndonkam ia la ka jingstad namar ba kidei ki nongialam kiba la mihkhmat ia u paidbah” ong u nongialam ka TMC hynrei ula ong pat, ba ki don bun pat ki briew bad ki nongialam kiba pyrkhat kumjuh bad kiba donlang ia kajuh ka jingthmu, ki don ryngkat lang bad u.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla