Kyntait u Myntri tnad pule ia ka kaiphod PGI ba hiar ka pule puthi ha Meghalaya

U Myntri ka tnat Pule Puthi u Rakkam A Sangma ula kyntait ia ka kaiphod jong ka Performance Grading Index (PGI) 2023-2024 da kaba ong ba ka Sorkar ka dang shim khia ban weng ïa ki jingeh ha ka jingstad saian (Technical) kiba la ktah ïa ka jingïoh jingkheiñ jong ka Jylla. U Rakkam u la kam ba ka jingkheiñ jong ka PGI ka long katkum ki jinglum jingtip kiba la rim ki bad ki bym pynpaw ïa ki jingpynbha ba dang shen ba la pyntreikam daka Sorkar ha kylleng ka jylla.U la kynnoh ba ka ka jingpynbeit kyrdan iaka Meghalaya da ka PGI ka long katkum ki jinglum jingtip bad ki jingkhein kiba la rim. “Ha ka jingshisha, ngi dang kiew bha haka pule puthi bad ngi la lah ban weng ïa ki jingeh ha ka jingstad saian (Technical) kiba la ktah ïa ka jingïoh jingkheiñ jong ka Jylla” la ong u Rakkam.

U Myntri u la pynpaw ba ki mat ba kongsan ba shah ktah ka Meghalaya ha ka jingkhein jong ka PGI ka long ka rukom pynbynta ia ki jaka pule. “Ha kiba bun ki khep, kawei ka jaka ka pdiang ia ki bun tylli ki skulk um ka Primary, Upper Primary, Secondary bad Higher Secondary kiba hap ha kawei pa kawei ka rukom pynïaid iaki skul. Hynrei ia kine ki skul la khein la ka jong haka PGI wat la ki pyndonkam da ka juh ka Building” u la ong. “Na ka bynta ka Sorkar India, ka paw beit ba ki don 5 tylli ki skul bapher bapher. Hynrei ha ka jingshisha, ka dei kawei ka jaka pule kaba don kawei ka paiñkhana, kawei ka library, bad ki kamra klas ba ïasam lang. Kane ka pynbakla iaka rukom khien daka PGI. Lada ïa kine ki bynta baroh la kheiñ kum kawei ka skul, ki dak jong ki jingtei (Infrastructure) kin pyni beit tang kawei” u la bynrap.

U Rakkam u la kdew ruh ba bun ki skul nongkyndong khamtam ha ki jaka kum ka Shillong, ki treikam khlem bording ym namar bym don bording hynrei namar ki daw kiba lah ban leh. “Ki Primaru School hangne ki treikam ha ka por mynstep haba ym donkam ïa ki fan. Hynrei ka PGI ka khien ba ym don bording ha kata ka skul” u la kynnoh. Haba ban jur iaka jingdonkam ban nang trei shuh ban kyntiew iaka pule puthi, u Myntri u la kam ba don ki jaka kiba dang iakynduh ia ki jingduna ha ki jingtei (Infrastructure) hynrei u la pynpaw ba ka Sorkar ka la sdang ban pyntreikam ban shim iaki sienjam ban kyntiew ïa baroh ki skul.