U Bah P.T Sawkmie, MLA barim ka Mawlai da ka jingsngewkhia u kyntu ia ka sorkar ban tuklar ia ka jingdain kuna ne fine ka tnat transport ia ki nongkamai ar shaka (scooty) haduh T.10 hajar bad ai por hapoh khatsan sngi ban leit siew lym kumta kin hap leit sha iing kashari (court).
“Kane ka jingleh donbor ka transport department ka long pynban ban khanglad ia ki samla jong ngi bakin trei shitom. Ha jingshisha ka transport department ka la dei ban iarap ia ki samla ban pynsngewthuh ia ki kaei bakin pynbiang bad ynda la biang sa ia kit passenger bad ka mai, ym ban shu daiñ kuna pathar,” ong u Bah Sawkmie.
U bynrap, “Kat kane ka pyrthei kyrduh kam kyrduh jam ngi la dei ban kmen ba ki samla jong ngi ki sdang ia ka kam la jong, ha ka jaka ban ai mynsiem ngi pynduh mynsiem pynban. Wat ki kali shimet ne private, kiba dei ki saw shaka kiba kamai khlem permit ngam iohsngew bakin sha dain kuna haduh shi phew hajar tyngka, katno tam ki nongkamai scooty.”
You may also like
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik