Kyrshan ka DAJGUA ïa ki paid riewlum ia ka rep ba ai jingmyntoi ïa ka imlang sahlang

Ka jingïalang ai jinghikai hapoh ka jingïaid lynti jong ka Dharti Aaba Janjatiya Gram Utkarsh Abhiyaan (DAJGUA) la pynlong ha ophis jong ka Amlarem Block hapoh ka jingïarap jong ka Rashtriya Gram Swaraj Abhiyan (RGSA) hynne ka sngi.Kane ka jingïalang kaba la pynïaid da ka State Rural Employment Society (SRES) ka long ban kyntiew ïa ki shnong jong ka Ri Khasi Jaintia khamtam ha ki bynta kiba don ha khappud, lyngba ka jingai jingtip halor ka jingïaleh na bynta ka rep khlaw kaba ryntih, ka jingïada ïa ka mariang, bad ki lad kamai kajih lyngba ki mar rep khlaw kiba lait na ka dieng. U  R. Pakma, Range Forest Officer (Soil Forestry), Amlarem Sub-Division, u la long u Nonghikai-(Resource Person) Ba-Kongsan ha kane ka prokram. U la pynshai bniah halor ka jingdon bynta jong ki shnong, ki kur bad ki Dorbar Shnong ha ka jingïada bad ka jingseng pyrkhat ban pynneh pynsah ïa ka khlaw, kaba bun na ka jaka jong ka Meghalaya — tang 5.10% ka hap ha ka tnad Forest jong ka sorkar jylla, katba ka bynta kaba shalan ka long ka ba dei jong ki paidbah. U la batai ruh shaphang ki jait khlaw, ka jingïoh bynta ha ka Community Reserve bad ka jingdonkam ban thaw ïa ki Biodiversity Management Committees (BMCs) hapoh ka ain Biological Diversity Act, 2002.

Kaba palat 60 ngut ki nongwan shim bynta na ki shnong kum ka Mupyut, Darang, Nongtalang, Dawki, Syndai, Sohkha bad kiwei pat ki la wan ban ïashim bynta ha kane ka jingïalang. La hikai ha ki phang bapher bapher kum ka jingïaid lynti ban seng ïa ka Village Forest Plan, ka jingïarap na ka bynta ka mapping bad resource assessment, ki lad jingpynmih kam kum ka afforestation bad ka jingïakhun pyrshah ïa ka jingshah pra ka mariang. La ai ruh ka jingïarap ban pynioh kamai kajih da kaba pyndonkam hok ïa ki mar rep khloo (NTFP) kum ka siej, ki jingbam ba mih na khlaw, ki jhur, dud thain bad ki jingthung sumar. La hikai ruh shaphang ka jingpynbha ïa ki mar, ka jingpynneh ïa ka jingstad, ka jingpynshlur ïa ka e-commerce bad ka shna lynti sha ki market ba pher.

Kane ka prokram kala pynshai shai ba ka jingïai don bynta jong ki shnong ka long kaba donkam bha na ka bynta ban pynneh ïa ka mariang, pynneh ïa ki lad kamai bad ban ai ka jingïarap khamtam ha ka rukom long trai shnong. Ka jingïalang kan bteng biang ha ka 31 tarik u Nailur bad 5 tarik u Nailar 2025.