La pyni ia ka Wangalajong ka Meghalaya ha ka Northeast Showcase ha ka IFFI 2025

Ka prokram pynkutïa ka International Film Festival of India (IFFI) 2025 ka la wanrah ïa ka jingrakhe ïa ka jingiar jong ka kolshor ha ka ri India, kaba wanrah lang ïa ki ritidustur, ka pateng tynrai, bad ka jingtbit ha ka kam saindur ha ka juk mynta ha ka pyrthei. Ïa kane ka jingpyniïa ka kolshor mynta u snem la pynkhreh ban pyni ïa ka jingiar jong ka ri India baroh kawei, naduh ki jaka shyiapjong ka Rajasthan bad ki ritidustur jong ka Karnataka haduh ki kam ka put ka tem jong ka thaiñshateilammihngi bad ki surjingrwaijong ka ri India kiba pynpaw ïa ka mynsiem jong ka Ek Bharat Shreshtha Bharat. Ka mat ba kongsan tam jong kane ka jingïalang ka long ka jingpyniïa ka kolshor jong ka thaiñshateilammihngi, kaba la pynïaid da u RanjitGogoi, kaba la pynpaw ïa kawei na ki jingpyni kaba iar tam jong ka thaiñ ba la iohi ha ka rynsan jong ka IFFI.

Ia ka bynta jong ka thaiñshateilammihngi la saindur kum ka jingpyni kaba ar bynta kaba rakhe ïa ka jingnohsynñiang jong ka thaiñ sha ka kam shna phlimjong ka India bad ka jinglong kyrpang jong ka kolshor jong ki 8 tylli ki jylla jong ka. Ka bynta kaba nyngkong ka la wanrah ïa ka jingpyniia ka jingshad halor ki kam ba pawnam jong u Dr.Burman, u R.D. Burman, u ZubeenGarg, bad u Papon. Kane ka prokram ka la pynpaw ïa ka jingnohsynñiang ba kongsan jong ka thaiñshateilammihngi sha ka surjingrwaiha niphlim jong ka ri India. Ka bynta kaba ar ka la pyni ia ki jingrwai tynrai na baroh 8 tylli ki jylla jong ka thain shateilammihngi. Ka la kynthup ïa ka shad Nyapa bad Zya Cham na Arunachal Pradesh, Bihu na Assam, Shad Cheraw lane Bamboo Dance na Mizoram, Wangala na Meghalaya, PungCholom na Manipur, Sangrain jong ka Tripura, Warrior Dance na Nagaland, bad SinghiChaam na Sikkim.

Kane ka bynta ka pyniïa ka jingrwai bad surjingrwai jong ka thaiñ, ka jinglong kyrpang jong ka kolshor, kaba pynskhemïa ka jingïatylli jong ka India lyngba ka jingiar jong ki kam saindur. Kane ka bynta ka la long kawei na ki bynta ba heh tam ban pyni ia ka jinglong kyrpang ha kane ka prokram pynkut. Ha ka jingiadonlang ki barikor na Rajasthan, Karnataka, Assam, Arunachal Pradesh, Mizoram, Tripura, Sikkim, Manipur, Nagaland, bad Meghalaya, ka prokram pynkutka la long kum ka jingpynikaba pura ha kawei na ki jaka pyni phlim ba pawnam ha ka pyrthei.