Ka BJP ka lah ban iakhun ia ka MDC elekshon ha kane ka kynti. Ki sain pyrthei ki dei ban ialeh ia ka elek hynrei kata ka shong ha ka jingstad jong ki nongialam ka party katkum ka jingiaid ka por. Halor ka jingbym ialeh ka party ha kine ki snem ba la leit, u bah Hek ula ong ba ym tang ka BJP hynrei wat ka VPP, ka UDP ruh kim ialeh ia ka elekshon sha Garo Hills.
“Ym tang ka BJP, hynrei ka UDP, ka VPP ruh ka khlem ialeh sha Garo Hills bad kane ka shong katkum ka jingsngew ki nongialam ka party”, la ong u bah Hek. Haba pynpaw ba ka party ka kwah ban iakhun ia ka MDC ha kane ka kynti tangba ka rai ka shong ha ki nongialam na seng kmie na Delhi.
Ki seng sainpyrthei kum ka VPP ka la dep pynbna lut ia ki kyrtong katba ka NPP bad ka KHNAM kila dep ban pynbna ia ki kyrtong ha ki katto katne ki konstitwensi ban iakhun ha ka elekshon hynrei ka Congress, UDP bad HSPDP kim pat pynbna ia ki kyrtong.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party