Ki tyllong khubor ki ïathuh ba ka National People’s Party (NPP) ka lah ban phah da u Bah HM Shangpliang kum u Member of Parliament (MP) ka Meghalaya sha Rajya Sabha. Lah ban kdew ba ka samoi treikam jong u MP Rajya Sabha ba mynta u Dr WR Kharlukhi kan kut noh ha u bnai Jylliew 2026 bad naka por shaka por u Dr WR Kharlukhi u la pynpaw ba um kwah shuh ban bteng kum u MP.
La ïathuh ba dang shen ka NPP kala lum ka jingïalang ban ïakren sani, iano yn jied ban phah long MP Rajya Sabha bad haka jingïalang ka kyrteng u Bah HM Shangpliang u Myntri Sorkar barim bad MLA barim ka Mawsynram constituency ka wan hakhmat eh. Haki jingïalang, ka kyrteng u MLA barim ka Dadenggre constituency u James PK Sangma ruh ka paw hynrei la sngewthuh ba haduh mynta ka NPP ka kwah ban phah da u Bah HM Shangpliang ban mihkhmat iaka Meghalaya kum u MP sha Rajya Sabha.
Ka NPP ka kwah ban phah da u MP u ban long ka sur jong ka Meghalaya ha ka ban kren iaki mat jingdawa kiba kynthup ka jingdonkam ban ai jingmynjur noh iaka Inner Line Permit (ILP), ban ioh jingithuh iaka ktien Khasi bad Garo haka khyrnit ba phra jong ka riti synshar ka ri India nalor kiwei kiwei de.
You may also like
-
Julor palat 1 hajar tylli ki iing na ka jingkhie kynsan ka ‘Eriong ha Ri-Bhoi
-
Ba kyntait ïakren u MR, naduh 9 tarik yn sdang ïakhih ki Muster Roll
-
Iaid paidbah ki dkhot FKJGP ha Nongstoin ban dawa pynbeit pud Meghalaya-Assam
-
Shah kem 28 ngut ba donkti pynshit iapher jaidbynriew ha Ri lum Garo
-
Pynjlan ka sorkar 6 bnai ia ka samoi treikam GHADC, shimti u Dhormonath Sangma kum u CEM thymmai