Ka BJP Meghalaya ka la long kaba la pynkhreh ban iakhun ia ka ilekshon MDC sha KHADC bad JHADC. Ka elekshon sha ka KHADC bad JHADC kan long ha ka 21 tarik Nohprah 2025 ha kaba ki paidbah kin jied ia ki 29 ngut ki MDC sha KHADC bad 29 ngut sha ka JHADC. U Nongaiktien ka BJP Meghalaya u bah Mariahom Kharkrang ula ong ba ka party ka lah ban sei ban pyniakhun kumba 10 ngut ki kyrtong ha kane ka ilekshon MDC.
“La don kiba phah khubor sha ki nongialam ka seng kiba kwah ban iakhun bad kumba 10 tylli eiei ki konstitwensi, yn pyniakhun”, la ong u bah Mariahom. U bah Mariahom Kharkhrang ula ong ba ka party ka la buh tarik khadduh ban thep ia ka aplikeshon haduh ka 30 tarik Nohprah 2024 ia kito kiba don jingthmu ban iakhun ia ka MDC.
“Ka party ka la pynkhreh ban sei kyrtong ha kane ka elekshon sha ka KHADC bad JHADC kaban long ha u Rymphang ban wan. Kane kam dei ka sien ba nyngkong ba ka party kan ialeh ia ka elekshon MDC hynrei kala ialeh ha ki samoi ba la dep ruh,” ong u Nongaiktien ka BJP.
You may also like
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik