U Myntri ka Tnat Revenue & Disaster Management u Bah Kyrmen Shylla hynne ka sngi u la pyntip ba ka Sorkar kala pyllait haduh T.19 lak kum ka jingiarap song pisa sha ki Longiing kiba shah ktah na ki 29 tylli ki jingjia pluh ding hapdeng u snem 2024-2025. Ia kane u Bah Kyrmen u la pyntip haba jubab iaka jingkylli bala wanrah da u MLA ka VPP na Mawryngkneng u Bah Heavingstone Kharpran halor ki lad jingïarap pluh iing ba jia hapoh ka Constituency.
Haba jubab iaka jingkylli u Bah Kyrmen u la pyntip ba lyngba ki kyndon ka SDRF, ka tnat kala pyllait T.1.30 lak sha ka Kong Midaris Pde jong ka Shnong bad T.1.30 lak la ai kum ka jingiarap sha ki trai jong ka iing ka Kong Helpmer Kharrngi. Haba jubab bynrap, u Myntri Rangbah Conrad K Sangma ula ong ba ki kyndon ka SDRF kila kren shai bha bad haba pynshong nongrim ha kane, la shim ia ki sienjam ban iarap haba shah kylli la ka Sorkar kan dang ai shuh shuh ia ka song pisa.
U Conrad ula ong ba ki MLA ruh ki lah ban ai ia ka jingiarap song pisa lyngba ka skhim SRWP lane ka Discretionary Grant.
You may also like
-
Ka KHADC bad JHADC ki dei ban pynkylla ia ka AD Rule: TW Chyne
-
Bun ki kren bein ia ka jaidbynriew Khasi hynrei ki pulit kim leh eiei
-
Buh thong ka Sorkar ban wanrah Film City ha Meghalaya
-
Pynlong ka CBC ia ka jingialang iamir jingmut halor ka jingkhuid bad ki jingbam tei met
-
Dang bishar ia ka jingdawa thung kynhun tohkit halor ka jingiakynad ha Garo: Conrad