Ka kynhun nongialam ka BJP hapoh ka jingialam u bah AL Hek hynne ka sngi ki la leit jngoh ia ki samla pule PG ha North East India of Ayurveda & Homepathy (NEIAH) kiba la pynlong ia ka jingiakhih shah thngan jong ki ha phyllaw ka jaka pule. Ha kane ka jingleit jngoh ki nongialam ka BJP ki la iakynduh ia ki nongpyniaid katei ka jaka pule kiba la batai halor ka jinglong jingman bad ki jingeh jong ki samla ha kaba ki dawa ban pynkiew ia ka bai bam, ka jingpyniasoh bad ka skul bah NEHU.
Katkum ka jingbatai kiba nongpyniaid katei ka jaka pule, la khmih lynti ba ki jingdawa ba ha khmat eh jong ki samla pule yn lah ban pynurlong hapdeng 8 ne 10 sngi. Hadien kane, ki nongialam ka BJP ki la iakynduh ia ki samla pule PG bad ki samla pule kiba la batai ia ki jingeh ba ki iakynduh kadei namar ka jingbym shimkhia jong ki nongpyniaid, ki la hap ban banse ban shim da ka sienjam kaba tyngeh ban pynlong da ka jingiakhih shah thngan.
Na ka liang ki nongialam ka BJP, ki la kyntu ia ki samla pule ba kin weng noh shipor ia ka jingiakhih shah thngan jong ki, hadien ba iwei na ki samla pule ila kem pang bad poi sha Hospital. Ki nongialam ka BJP ki la kular ba kin shimkhia ban rah ia kane ka jingeh jong ki samla pule bad ka sorkar pdeng.
You may also like
-
Dawa ka AJMW&LU ban siew tulop 10 tarik namar ka Behdeiñkhlam
-
Ai burom ia u shipai ba la shongthait bad kaitor ba pawnam
-
Leit tur kyndit ka COMSO ha Secretariat ban dawa pyntreikam ILP
-
Pynkup burom ka NPWF ia ki longkmie ha ka sngi rakhe ‘Mother Day’
-
Pynïasoh UDP palat spah ngut ki nongïalam na kiwei ki party