Ryngkatlang bad ka Jylla hi baroh kawei ka ophis ka Deputy Commissioner ka Eastern West Khasi Hills District haka 21 tarik u kyllalyngkot 2025 kala rakhe iaka jingdap 53 snem jong ka jingioh iaka jylla Meghalaya.
Lah ban pynkynmaw ba ka Meghalaya kala ioh iala ka jong ka jylla kaba pura haka 21 tarik u kyllalyngkot 1972 bad man la u snem haka 21 tarik u kyllalyngkot la rakhe iaka ‘Meghalaya Day’. Ha kane ka jingrakhe la wan ban iadonryngkatlang da u Paim PM Syiemlieh, Syiem ka Hima Nongkhlaw, ki heh ophisar na ki tnat treikam bapher bapher, ki sordar naki shnong kiba hap hapoh ka Eastern West Khasi Hills District nalor kiwei kiwei.
U Paim PM Syiemlieh haba kren ha jingialang, ula kyntu iaki paidbah ka jylla ba hakum kane ka sngi kin ai iaka burom bad ka jingsngwnguh iaki longshwa, ba lyngba ka jinglen lade jong ki, ka pynioh ha ngi ia kane ka jylla. U la ong lyngba ka jingioh iaka jylla ka pynkiewsted iaki kam pynroi ha baroh ki liang kaba long ka jingkyrkhu iaki paidbah nongshong shnong
You may also like
-
Ha West Garo Hills bad ha Ri Bhoi, Meghalaya pynieng ïa ki jaka talasi mrad
-
Thung ka Iingbishar I’u ‘Special Officer’ ban peit nongdie madan ha Police Bazar
-
T.8 lak shah dain kuna ka Shakambari Ferro Alloys
-
Kam u Myntri ka jingpyntrei ia ka skhim bylla shispah sngi ka iaid beit ha Jylla
-
Kyntait u Myntri ban thung kynhun tohkit halor ka jinglut ban shna ia ka Ganol Power Project