Ka Dorbar Shnong Mawkynroh Umshing hynne ka sngi ka la pynbna ba kan ym shah ia kino kino ki nongdie madan ban buh dukan ne die jingdie harud surok. Ka Dorbar Shnong ka la pyntip ka la shim ïa ka rai ban pynthikna ban kan ym don jingthud ka jingiaid ki kali bad ki nongleit nongwan bad khamtam ka jingkhuid ha shilynter ki rud surok kiba hap hapoh ka jingpeit jong ka Dorbar Shnong Mawkynroh Umshing.
Ia kane ka rai la shim hadien ka jingkyrpad ka tnad PWD ban ym ai lad ïa kino kino ki nongdie jingdie ban buh dukan harud surok, namar ka pynthud ia ki nongleit nongwan. Kumta ka Dorbar Shnong Mawkynroh Umshing hynne ka sngi ka la leit beh ia kiba shong die jingdie harud surok ha shilynter ka surok. “Nga ai khublei ia baroh ki nongdie madan kiba la kohnguh ia ka jingkyrpad ka Dorbar Shnong Mawkynroh Umshing ban ym buh ia kino kino ki dukan ha shilynter ka surok. Ngi la ai por ia ki bad ki la sngap ia ka jingkyrpad jong ngi” la ong u Rangbah Shnong.
U Rangbah Shnong u kyntu ïa kiwei pat ki nongdie madan na shabar shnong ba kin sangeh noh mardor ban buh ïa kino kino ki jait dukan ne shong die jingdie harud surok.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma