U Deputy Commissioner ka Ri Bhoi District, mynta ka sngi u la pynmih ia ka jingmana paidbah halor ka jingpyndonkam ia ki kynja mar plastic ne rah plastic kiba rben ia palat 120 micron.
U Abhilash Baranwal, DC Ri Bhoi District, u la pyntip ba katkum ka jingpynbna paidbah ba la pynmih da ka Tnat ba dei peit ia ka Mariang, ki Khlaw bad ka Jingkylla ka Suinbneng (Ministry of Environment, Forest & Climate Change), Sorkar India, bad ka jingpynbna Paitbah ba la pynmih da ka Meghalaya State Pollution Control Board halor ka jingkhang ban shna, ban wanrah na bar, ban buh stock, ban sam, ban die bad ban pyndonkam ia ki jait plastik ba la ithuh ba dei ki ‘single use plastics’ bad ia ki pla plastik kiba duna ia ka jingrben ba la buh.
Kumta da kane ka jingmana, u Deputy Commissioner ka Ri Bhoi District, Nongpoh, da kane u pyntip sha baroh ki jaka khaii pateng, ki kynhun e-commerce, ki iew online, ki nongbuh stock, ki nongsam mar, ki nongdie khutia bad sha u paidbah salonsar ba kim dei ban buh stock, ban sam, ban die bad ban pyndonkam ia ki pla plastik kiba ka jingrben jong ki ka duna ia ka shi spah arphew (120) microns.
You may also like
-
Ka sorkar ka khlem beh nongdie madan, ka la ai jaka katkum ka hukum ka iingkashari : Sngiawbhalang
-
Leit tur ki nongdie madan ha Secretariat ban pyrshah kynriah na Khyndailad
-
Palat T.1000 klur ioh kurup jingdih buaid kynthup u drok Heroin ha ki 3 snem
-
Palat T.14 lak ioh lum ka KHADC na ki Hima/Elaka ha u snem 2023-25
-
Khynra ki pulit ha khlaw Chikama, kurup kuli siat liengsuiñ bad pistol