Ka Kynhun Myntri jong ka sorkarpdeng ba la khlieh da u Myntri Rangbah duh Narendra Modi, ka la mynjur ia ka jingai jingiarap ha ka koit ka khiah ia baroh ki nongshong shnong kiba la don 70 snem shaneng khlem da peit ia ka jingkamai hapoh ka skhim ba kyrpang ka Ayushman Bharat PradhanMantri Jan ArogyaYojana (AB PM-JAY). Ka jingthmu kalong ban ai jingmyntoi ia 4.5 klur ki longiingbad 6 klur ki riewtymmenbad kin ioh ei ka health insurance kaba 5 lak tyngka katkum kalongiing. Da kane ka jingmynjur, baroh ki riewtymmen kiba la don 70 snem shaneng khlem da peit ia ka jinglong ka ioh ka kot bad ka imlang sahlang kin ioh ia ki jingmyntoi jong ka AB PM-JAY. Ki riewtymmen kiba dei ban ioh ia kane ka jingmyntoi kin ioh ia kawei ka card ba thymmai hapoh ka AB PM-JAY. Ki riewtymmen kiba la don 70 snem shaneng kiba dei na ki longiing kiba la don lypa hapoh ka AB PM-JAY kin ioh sa ka top-up haduh T. 5 lak shi snem na ka bynta jong ki (ka bym donkam ban iasam bad kiwei kiwei ki dkhot jong ka longiing kiba dang hapoh ka 70 snem ka rta). Baroh ki riewtymmen kiba la don 70 snem shaneng kin ioh ia ka jingiarap haduh T. 5 lak shi snem katkum ka longiing.
Ki riewtymmen kiba la don 70 snem shaneng kiba la ioh ia ki jingmyntoi jong kiwei kiwei ki skhim health insurance kum ka Central Government Health Scheme (CGHS), Ex-Servicemen Contributory Health Scheme (ECHS), Ayushman Central Armed Police Force (CAPF) ki lah ban jied ia ka skhim ba ki la don lypa lane ki lah ban jied ia ka ABPMJAY. La pynshai ba ki riewtymmen kiba la don 70 snem shaneng kiba don ia ki health insurance policy shimet lane ka skhim Employees’ State Insurance ki lah ban ioh ia ki jingmyntoi hapoh ka AB PM-JAY. Ka AB PM-JAY kadei ka skhim health insurance paidbah kaba heh tam ha pyrthei kaba ai jingiarap ha ka koit ka khiah kaba long T. 5 lak kawei ka longiing ha ka shi snem na ka bynta ka jingsumar ha ki hospital na ka bynta 55 klur ngut ki briew na 12.34 klur tylli ki longiing. Baroh ki dkhot jong ki longiing kiba ioh ia kane khlem da peit ia ka rta la kynthup hapoh ka skhim. Ka skhim ka la peit ia 7.37 klur ki jingsumar ha ki hospital kynthup 49 percent ki longkmie kiba ioh ia kane ka jingmyntoi. Ki paidbah ki la ioh jingmyntoi haduh palat T.1 lak klur hapoh kane ka skhim.
Ia ka jingpyniar ban kynthup ia ki riewtymmen kiba la don 70 snem shaneng la pynbnanyngkong da u Myntri Rangbah duh Narendra Modi ha u Iaiong 2024. Ka skhim AB PM-JAY ka la sakhi ka jingbteng ban pyniar ia ka jingdon ki briew kiba lah ban ioh jingmyntoi. Nyngkong, 10.74 klur ki longiing ba duk bad ba duna ka ioh ka kot ba kynthup 40% ki briew ba shem jynjar duh ha India ki dei kiba la kynthup hapoh ka skhim. Hadien kane, ka Sorkar India, ha u Kyllalyngkot 2022 ka la pynthymmai ia ka jingioh bynta hapoh ka AB PM-JAY na ka 10.74 klur sha ka 12 klur ki longiing da kaba ithuh ka jingkiew kaba 11.7% ka jingdon ki briew ha India man ka shiphew snem haba ianujor bad ka jingdon briew ha India ha u snem 2011. La pyniar shuh shuhia ka skhim ban kynthup 37 lak ki nongtrei ASHA/AWW/AWH ha kylleng ka ri bad kiba haiing jong ki ban ioh ei ia ki jingmyntoi ha ka jingioh jingsumar. Da kaba rah shaphrangia kane ka thong, Ka AB PM-JAY mynta kan ai ei ia ki jingioh jingsumar ba T. 5 lak sha baroh ki nongshong shnong kiba la don 70 snem shaneng ha kylleng ka ri.