Mynjur ka kynhun Myntri ban thied jaka pynheh Umroi Airport

Ka kynhun Myntri ka Sorkar Jylla hynne ka sngi ka la mynjur ia ka jingtyrwa ban thied jaka biang na ka bynta ban shna pynheh ia ka kad linegsuin Umroi.Ia kane la pyntip da u Myntri Rangbah ka Jylla u Conrad K Sangma bad u la pyntip ruh baka Sorkar Jylla kan iakren bad ka tnat Directorate General of Civil Aviation (DGCA)  ka Sorkar Pdeng ban pyllait iaka Umroi Airport nako katto katne ki kyndon pynheh Kad Lengsuin.  “Ka kynhun Myntri Sorkar kala mynjur ban pyniaid shakhmat ban iakren bad ka Sorkar Pdeng bad haka juh ka por ban sdang ia ki kam ban thied jaka na ka bynta ban pynheh iaka Umroi Airport” la ong u Conrad.

U Conrad u la pyntip baka kynhun Myntri Sorkar kala shong bishar bha iaka kaiphod bala aiti da ka tnat Trasnport ha ryngkat ka AAI bad ka ba sah mynta ka long ban iakren bad ka tnat DGCA.  U la ong ba ka Sorkar Jylla ka donkam ka jingiatreilang bad baroh namar kane ka jingpynheh iaka Umroi Airport ka long kaba kongsan ban kyntiew iaka roi ka par jong ka Jylla.

“Ka jingpynheh iaka Kad Lengsuin Umroi Airport ka long kaba kongsah bha namar kan wanrah ia shibun ki jingkylla ia ka Jylla. Nga sngew ba baroh kiba don bynta ha kane, ki dei ban sngew thuh katno ka jingkongsan kane ka project ia ka Meghalaya bad ia ki kam jngohkai bad kiei ki lad ki lynti baka don ban wanrah ia ka jingkylla ia ka ioh ka kot bad ki kam jngohkai ha Jylla jong ngi. Kumta, kane ka dei ka kam kaba ngi hap ban iatreilang bad lah pynurlong” u la ong.